Sonders: Qazaqstanda Golovkınnen aıqas bastalmaı turyp jeńile bastaımyn

ASTANA. QazAqparat -   WBO  tujyrymy boıynsha orta salmaqtaǵy álem chempıony Bıllı Djo Sonders Gennadıı Golovkınmen biriktirilgen aıqas úshin Qazaqstanǵa kelýge ázir ekenin taǵy málim etti, dep jazdy   Sports.kz.

«Ol Qazaqstanda aıqasqysy keletin sııaqty, sebebi ol onyń armany. Eger Qazaqstanǵa kelsem, odan starttyq gong soǵylmaı turyp eki raýnd utyla bastaıtynymdy bilemin.

Ol jaqqa baryp barlyǵyn báıgege tigýge ázirmin, sonyń ishinde álem chempıony ataǵymdy. Men muny óz armanymdy is júzine asyrǵym kelgendikten jasaǵym keledi. Sebebi bul, Golovkınniń ǵana emes, meniń de armanym. Ol jaman jigit emes, alaıda bul jaı ǵana bıznes. Bizdiń jekpe-jek tarıhta qalýy múmkin jáne men óz boıymda ony soqqyǵa jyǵa alatyndaı kúsh-qýat baryna senimdimin», - dep keltirdi  onyń sózin Worldboxingnews.net.

«Eger Golovkın aıqasýdan bas tartatyn bolsa, onda onyń ornyna Kottomen qýana-qýana kezdeser edim», - dedi Sonders.