Sonders Golovkınmen kezdesýge daıyn ekenin jarııa etetin boldy

ASTANA. QazAqparat - Osyǵan deıin málim bolǵanyndaı, brıtanııalyq boksshy Bıllı Djo Sonders (24-0, 12 KO) Gennadıı Golovkınniń (36-0, 33 KO) men Denıel Djeıkobstyń (32-1, 29 KO) Nıý-Iorkte ótetin kezdesýine barady, dep jazady Sports.kz.

Madison Square Garden arenasynda Sonders óziniń qolǵap túıistiretin kelesi qarsylasy kim bolatynyn jarııa etedi. Ol endi Gennadıı Golovkınmen kezdesýi múmkin.

«Sonderstiń promoýteri Ýorren ózderiniń MSG-de bolatynyn jáne ózderiniń kelesi qarsylastary týraly jarııa etetinin aıtty. Endi Golovkınge tek Djeıkobsty jeńý ǵana qaldy»,-dep jazdy tvıtterdegi paraqshasynda Boxing News Lı tilshisi Lı Gormlı.

Osyǵan deıin keıbir buqaralyq aqparat quraldarynyń ókilderi orta salmaqtaǵy ataqtardyń basyn biriktirý úshin Golovkınge WBO belbeýi jetispeı turǵandyǵyn jazǵan. Al bul belbeýdi ıegeri Sonderspen kezdesý 10 maýsym kúni EXPO halyqaralyq kórmesiniń aıasynda Astanada ótýi múmkin.