Somasy 220 trln teńgelik bank operatsııalary tekserilýde - Zańsyz aktıvterdi qaıtarý komıssııasy

Foto: Фото: Үкімет
<p>ASTANA. KAZINFORM&nbsp;&mdash;&nbsp;QR Premer-Mınıstri Álıhan Smaıylov Zańsyz ıemdenilgen aktıvterdi memleketke qaıtarý jónindegi komıssııanyń otyrysyn ótkizdi.</p>

Otyrys barysynda tekserý sharalary bastalatyn jańa tulǵalardy tıisti reestrge engizý máseleleri talqylandy.

Buǵan deıin reestrge engizilgen keıbir tulǵalar boıynsha kinásin moıyndaý jáne zańsyz alynǵan múlikti óz erkimen qaıtarý týraly protsessýaldyq kelisim jasaý josparlanýda.

Budan bólek, reestrdegi jekelegen sýbektilerdiń jáne olarǵa úlestes tulǵalardyń shyǵý tegi túsiniksiz múlkin memleket kirisine aýdarýdy májbúrleý týraly talaptar qoıylady.

Premer-Mınıstr Memleket basshysynyń zańsyz ıemdenilgen aktıvterdi memleketke qaıtarý týraly sheshimi – «Ádiletti Qazaqstandy» qurý protsesiniń jalǵasy ekenin atap ótti. Sońǵy 2 jylda elge jalpy somasy 1 trln teńgege jýyq aktıvter qaıtaryldy.

Búginde aýqymdy jumys aıasynda 344 jyljymaly jáne jyljymaıtyn múlik obektisi, sonyń ishinde shetelde 131 obekt anyqtaldy. Jalpy quny 448 mlrd teńge qundy qaǵazdar boıynsha málimet alyndy. Somasy 220 trln teńge bolatyn bank operatsııalary, onyń ishinde 1,4 trln teńgeni quraıtyn kúmándi operatsııalar tekserilýde.

«Bizdiń ortaq mindetimiz – zańsyz ıemdenilgen aktıvterdi qaıtarýdy qamtamasyz etý jáne olardy qoǵam men memleket ıgiligi úshin paıdalaný», — dedi Álıhan Smaıylov.

Premer-Mınıstr talqylaý qorytyndysy boıynsha memlekettik organdarǵa tıisti tapsyrmalar berdi.

Komıssııa jumysy jalǵasýda.

Seıchas chıtaıýt