Somalıde lańkester BUU tikushaǵyna shabýyl jasady

<p>&laquo;Ash-Shabab&raquo; lańkesteri Somalıde BUU tikushaǵyna shabýyl jasap, bir adamdy óltirip, alty adamdy kepilge aldy. <a href="https://www.inform.kz/" target="_blank" rel="noopener">Kazinform</a> bul týraly <a href="https://tass.ru/mezhdunarodnaya-panorama/19703217" target="_blank" rel="noopener">TASS</a> aqparat agenttigine silteme jasap habarlaıdy.</p>

Garowe portalynyń habarlaýynsha, shabýyl Galmýdýg shtatyndaǵy Hındıre eldi mekeninde bolǵan. Túrli derekkózderge sáıkes, tikushaqta segiz-toǵyz adam, onyń ishinde somalılikter men sheteldikter bolǵan. 

The Wall Street Journal (WSJ) gazetiniń Somalı áskerıleriniń deregine silteme jasap habarlaǵanyndaı, lańkester mysyrlyq dárigerdi óltirgen. Sondaı-aq Somalı úkimet kúshteri Galmýdýg shtatyndaǵy oqıǵa ornyna jetken. WSJ silteme jasaǵan Somalı áskerıleriniń esebinde, borttaǵy toǵyz adamnyń arasynda eki kenııalyq dáriger, Ýganda sarbazy jáne bir somalı ofıtseri bolǵany aıtyldy.

Buǵan deıin «Ash-Shabab» sodyrlary tikushaqty órtep, ekıpaj músheleriniń belgisiz sanyn tutqynǵa aldy. Bul oqys oqıǵaǵa BUU ázirge túsinikteme bergen joq.

BUU tikushaqtary úkimet áskerine «Ash-Shababpen» kúresýge kómektesip júrgen Somalıdegi Afrıka odaǵynyń bitimgershilik kúshterine qoldaý kórsetip jatyr.