Soltústikke qonys aýdarýshylar men qandastar qyzmettik baspanany jekeshelendire ala ma

<p>ASTANA. KAZINFORM &ndash; Bıyl soltústikke qonys aýdarýshylarǵa jáne qandastarǵa 9,5 myń kvota bólindi. Bul týraly Senat depýtattarynyń saýalyna Premer-Mınıstrdiń orynbasary Tamara Dúısenovanyń jaýabynda aıtylǵan.</p>

«Qonys aýdarýshylar men qandastar qyzmettik turǵyn úıde keminde bes jyl tursa, qoldanystaǵy zańnamada olarǵa jumyspen qamtýǵa járdemdesýdiń belsendi sharalaryna qatysýshylar retinde berilgen qyzmettik turǵyn úılerdi qaldyq qunymen jekeshelendirý quqyǵy kózdelgen», - dedi vıtse-premer.

Premer-Mınıstr orynbasarynyń atap ótýinshe, soltústik óńirler (SQO, ShQO, Aqmola, Qostanaı, Abaı, Pavlodar oblystary) jyl saıyn qandastar men qonys aýdarýshylardy qabyldaýdyń óńirlik kvotasyn belgileıdi. Bıyl kvota 9,5 myń adam kóleminde belgilengen. Onyń 2,4 myńy qandastarǵa beriledi. 

Qonys aýdarýshylar men qandastarǵa memlekettik mynadaı qoldaý is-sharalary kózdelgen: kóshý úshin sýbsıdııalar (otbasy ıesine jáne árbir múshesine 258 myń teńge), turǵyn úıdi jaldaý (jalǵa alý) jáne kommýnaldyq qyzmetterge aqy tóleýge (jyl ishinde aıyna 55 myń teńgeden 111 myń teńgege deıin), turǵyn úı satyp alýǵa arnalǵan ekonomıkalyq utqyrlyq sertıfıkaty (eń joǵary soma – 4 283 myń teńge).