«Soltústik-Ońtústik» kólik dálizi shyǵys baǵytynyń ótkizý qabileti jylyna 10 mln tonnaǵa deıin ulǵaıady

<p><strong>ACTANA. KAZINFORM &ndash; 2027 jylǵa qaraı &laquo;Soltústik-Ońtústik&raquo; halyqaralyq kólik dáliziniń shyǵys baǵytyndaǵy ótkizý múmkindigin jylyna 10 mln tonnaǵa deıin ulǵaıtý josparlanýda. Bul týraly Qazaqstan Premer-Mınıstriniń orynbasary Serik Jumanǵarın Aqtaýda bastalǵan &laquo;Soltústik-Ońtústik&raquo; birinshi kólik saýda-eksporttyq forýmynyń ashylýynda málimdedi.</strong></p>

Forýmǵa qatysýshylarǵa arnalǵan quttyqtaý sózinde vıtse-premer mundaı formattaǵy is-sharany uıymdastyrý ıdeıasy 2024 jyldyń sáýir aıynda Kabýlda Qazaqstan, Aýǵanstan jáne Túrikmenstannyń úshjaqty kezdesýi kezinde týyndaǵanyn atap ótti. Osy kezdesý barysynda taraptar «Soltústik-Ońtústik» dálizi boıynsha júkterdi tasymaldaý kezindegi áleýetti múmkindikter men bar kedergilerdi talqylady.

Foto: QR Úkimeti

Sonymen birge tasymaldaýshylardyń ınfraqurylymǵa qol jetkizýin jáne tasymaldy jeńildetý úshin ashyq «oıyn erejelerin» ázirleý qajettiligi týraly ortaq uǵymǵa keldi. Qazaqstannyń alǵashqy kólik saýda-eksporttyq forýmy «Soltústik-Ońtústik» dálizi boıynsha tasymaldaýǵa jáne osyndaı erejelerdi ázirleýge múddeli barlyq el úshin alań bolýǵa arnalǵan. 

«Búginde Qazaqstan arqyly “Soltústik-Ońtústik” kólik dáliziniń shyǵys baǵytynyń ótkizý qabileti 6 mln tonnany quraıdy. Biz 2027 jylǵa qaraı shyǵys tarmaqtyń qýatyn jylyna 10 mln tonnaǵa, al 2030 jylǵa qaraı – 20 mln tonnaǵa deıin jetkizý úshin temirjol ınfraqurylymyn belsendi damytyp jatyrmyz. Ol úshin $1,9 mlrd ınvestıtsııa baǵyttaý josparlanýda. Bul qarajattyń bir bóligin Eýrazııalyq damý bankiniń jelisi boıynsha EAEO perımetri aıasyndaǵy basym ıntegratsııalyq ınfraqurylym jobalaryna: "Orsk – Qandyaǵash – Maqat – Beıneý – Bolashaq" jáne "Iletsk-1 – Aqtóbe" temir joldarynyń ýchaskelerin jańǵyrtýǵa jeńildik sharttarymen tartý kózdelip otyr», - dedi Serik Jumanǵarın.  

Foto: QR Kólik mınıstrligi

Joǵary Eýrazııalyq ekonomıkalyq keńestiń otyrystarynda Memleket Basshysy Qasym-Jomart Toqaev Qazaqstannyń EAEO kólik-logıstıkalyq ıntegratsııa ortalyǵy retindegi rólin birneshe ret atap ótken. Qazaqstannyń kólik ınfraqurylymyn jańǵyrtý jónindegi osy jáne ózge de aýqymdy jumystar jahandyq naryqtardy baılanystyrý jáne óńirdi iri kólik-logıstıkalyq habqa aınaldyrý maqsatyna qol jetkizýge múmkindik beredi. 

2024 jylǵy 19-20 shilde kúnderi Aqtaýda birinshi kólik saýda-eksporttyq forýmy ótip jatyr. Oǵan 12 elden – Ázerbaıjan, Armenııa, Aýǵanstan, Reseı, Belarýs, Túrikmenstan, BAÁ, Iran, Irak, Oman, Ózbekstannan 440-tan astam qatysýshy, Ekonomıkalyq yntymaqtastyq uıymynyń jáne Eýrazııalyq ekonomıkalyq komıssııanyń ókilderi qatysýda.