Soltústik Makedonııa kómirden bas tartpaq

<p>ASTANA. KAZINFORM&mdash; Soltústik Makedonııanyń negizgi energııa kózi - kómir. Osyǵan oraı, qysta elektr qýaty men jylýǵa degen qajettilik artqan kezde eldiń birneshe eldi mekeni Eýropadaǵy eń las qalalardyń ondyǵyna kiredi, dep jazady <a href="https://ru.euronews.com/my-europe/2024/08/05/north-macedonia-coal?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews</a>.</p>

Eldiń ońtústigindegi Bıtol jylý elektr ortalyǵy Soltústik Makedonııanyń elektr energııasyna degen qajettiliginiń úshten ekisin qamtamasyz etedi. Bul zaýyt 2032 jylǵa qaraı jańartylatyn energııa kózderine beıimdelýi kerek. Bul Soltústik Makedonııanyń EO-nyń «Jasyl kún tártibi» boıynsha mindettemesine kiredi.

— Biz qazirdiń ózinde eldiń birneshe óńirindegi kún elektr stantsııalaryna ınvestıtsııa saldyq. Biraq bul búgingi jylý elektr stantsııalary beretin energııamen salystyrýǵa jetkiliksiz. Sondyqtan birneshe shaǵyn atom elektr stantsııalaryn salý josparlanyp otyr, - dedi energııa tıimdiligi jónindegi maman Dragan Vıdanovskıı.

Ótken aptada Soltústik Makedonııa Eýropa qaıta qurý jáne damý bankimen kelisimge qol qoıyp, oǵan 26,4 mıllıon eýro bóletin boldy. Bul qarajat «jasyl energetıkaǵa» kóshýge baǵyttalýy kerek.

Sonymen qatar, shyǵystar tizimine memleketke jańa energetıkalyq júıelerdi basqarýǵa qajetti mamandardy daıyndaýǵa kómektesetin bilim berý ortalyǵyn qurý kiredi.

— Bizge energetıkter, ıadrolyq fızıkter, sondaı-aq IT ınjenerleri qajet, óıtkeni búkil júıeni kompıýterler basqaratyn bolady. Bul ortalyq osyndaı kadrlarmen qamtamasyz etedi dep úmittenemin», - dep qosty Dragan Vıdanovskıı.