Soltústik Koreıada jańa qorǵanys mınıstri taǵaıyndaldy

<p>ASTANA. KAZINFORM &ndash; No Gvan Chhol 14-shi shaqyrylymdaǵy Joǵarǵy halyq assambleıasynyń 11-shi sessııasynda eldiń jańa qorǵanys mınıstri bolyp taǵaıyndaldy, ol bul qyzmette Kan Sýn Namdy aýystyrdy, dep habarlaıdy <a href="http://www.kcna.kp/en/article/q/df3265fa9c4def3be3b80af60af7845b.kcmsf" target="_blank" rel="noopener">Koreıa Ortalyq telegraf</a> agenttigi.&nbsp;</p>

El úkimetinde basqa da kadrlyq ózgerister boldy. 

Lı Man Sý Memlekettik qurylysty qadaǵalaý mınıstri, al Kım Son Bın Memlekettik ǵylym jáne tehnologııalar komıtetiniń tóraǵasy bolyp taǵaıyndaldy.

Eske sala ketsek, sársenbiden bastap Soltústik Koreıa respýblıkany Ońtústik Koreıamen baılanystyratyn barlyq avtomobılder men temir joldardy tolyǵymen jaýyp tastaıdy. Koreı Halyq armııasynyń Bas shtaby málimdeme jasap, onda «9 qazannan bastap Ońtústik Koreıamen baılanystyratyn temir joldar men avtomobıl joldaryn tolyǵymen jaýyp tastaıtynyn» jáne «qorǵanys qurylymdaryn nyǵaıtý úshin bekinis jumystaryn júrgizetinin» habarlady.

Buǵan deıin Soltústik Koreıa taǵy da Ońtústik Koreıaǵa qoqys toltyrylǵan sharlardy ushyrǵanyn jazǵan bolatnbyz.

Soltústik Koreıa 12 qyrkúıek, beısenbige qaraǵan túni Japon teńizine qaraı qysqa qashyqtyqtaǵy birneshe ballıstıkalyq zymyrandy ushyrdy.