Soltústik Koreıa jeti ballıstıkalyq zymyran ushyrdy

<p>PHENЬıAN. KAZINFORM &ndash; Seýldegi áskerı sheneýnikterdiń málimdeýinshe, Soltústik Koreıa birneshe kún ishinde ekinshi ret Japon teńizine qaraı zymyran ushyrdy. Muny KHDR áreketin aıyptaı otyryp, Japonııada da rastady, dep habarlady<a href="https://www.dw.com/ru/kndr-zapustila-cem-ballisticeskih-raket/a-70690062" target="_blank" rel="noopener"> DW</a>.</p>

Soltústik Koreıa 5 qarasha, seısenbi kúni tańerteń Japonııa teńizine qaraı keminde jeti qysqa qashyqtyqtaǵy ballıstıkalyq zymyran ushyrdy, dep habarlady Ońtústik Koreıanyń Birikken Shtab bastyqtary (JCS) jáne Japonııa Qorǵanys mınıstrligi. Bul Soltústik Koreıanyń birneshe kún ishinde ekinshi ballıstıkalyq zymyran ushyrýy.

Seýldiń málimetinshe, zymyrandar shamamen 400 shaqyrymǵa deıin ushqan. Ońtústik Koreıa áskerıleri japondyq jáne amerıkalyq odaqtastarmen aqparat almasý arqyly ushyrylymdy naqty ýaqyt rejıminde baqylap otyrdy. Japonııa mınıstrler kabınetiniń bas hatshysy Iosımasa Haıası Soltústik Koreıadan ballıstıkalyq zymyran ushyrý «eldiń tynyshtyǵy men qaýipsizdigine qater tóndiretinin» aıtty.

Buǵan deıin Soltústik Koreıadan zymyran ushyrý 31 qazanda júzege asyrylǵan bolatyn. AQSh, Ońtústik Koreıa jáne Japonııa syrtqy ister mınıstrleri Soltústik Koreıanyń áreketin «aıyptap», ony «BUU Qaýipsizdik keńesiniń kóptegen qararlaryn óreskel buzý» dep atady.