Soltústik Koreıa jeltoqsan aıynda sheteldik týrıster úshin shekarasyn ashady

<p>PHENЬıAN. KAZINFORM &ndash; Soltústik Koreıa eldiń soltústik-shyǵysyndaǵy Samchjıen qalasyna, sondaı-aq eldiń qalǵan bóligine halyqaralyq týrızmdi qaıta bastaýy múmkin. Bul týraly jergilikti týrıstik kompanııalarǵa silteme jasaı otyryp, &laquo;<a href="https://www.reuters.com/world/asia-pacific/north-korea-open-border-foreign-tourists-december-tour-operators-say-2024-08-14/" target="_blank" rel="noopener">Reuters</a>&raquo; habarlady.</p>

Bul qadam KHDR birneshe jyldar boıy qatań COVID shekara baqylaýynan keıin sheteldik týrıster úshin shekaralaryn qaıta ashýǵa daıyn ekenin bildiredi.

– Jergilikti seriktesimiz 2024 jyldyń jeltoqsanynan bastap Samchjıenǵa jáne eldiń qalǵan bóligine týrızm resmı túrde qaıta bastalatynyn rastady, – dep jazdy Beıjińdegi Koryo Tours óziniń veb-saıtynda.

Ótken jyly Soltústik Koreıaǵa halyqaralyq reıster qaıta jandandy. Reseılik týrısterdiń shaǵyn toby aqpan aıynda jeke týr aıasynda elge bardy. Maýsym aıynda Reseı prezıdenti Vladımır Pýtın elge sheteldik joǵary laýazymdy tulǵa retinde barǵan bolatyn.

– Bul jańalyqty jarııalaý úshin tórt jyldan astam kútken Koryo Tours Soltústik Koreıada týrızminiń qaıta ashylǵanynan óte qýanyshty, – dedi kompanııa ókilderi.

Soltústik Koreıa Qytaı shekarasyna jaqyn ornalasqan Samchjıen qalasynda «sotsıalıstik ýtopııa» dep ataǵan jerdi jáne jańa páterleri, qonaq úıleri, taý shańǵysy kýrorty, saýda, mádenı jáne medıtsınalyq nysandary bar «joǵary órkenıetti taý qalasynyń úlgisin» salýda.

Shilde aıynda kóshbasshy Kım Chen Yn Samchjıen jobasyna «jaýapsyz» qaraǵany úshin keıbir joǵary laýazymdy sheneýnikterdi jumystan shyǵarǵan nemese laýazymyn tómendetken.

Taǵy bir týrıstik agenttik KTG Tours da bıylǵy qystan bastap týrıster Samchjıenǵa bara alatynyn habarlaǵan.