Soltústik Koreıa jańa ıadrolyq qarýdy synap kórdi

<p>Soltústik Koreıa bıligi AQSh, Japonııa jáne Ońtústik Koreıanyń jattyǵýlaryna jaýap retinde Haeil-5-23 sý astyndaǵy ıadrolyq qarý júıesin synaqtan ótkizdi. Bul týraly Koreıanyń Ortalyq telegraf agenttigi (TsTAK) málim etti, dep habarlaıdy Kazinform TASS-qa silteme jasap.</p>

- 15 qańtardan bastap úsh kún boıy amerıkalyq atom tasymaldaýshysy Carl Vinson, kópfýnktsıonaldy Aegis jaýyngerlik júıesimen jabdyqtalǵan Princeton kreıseri, Japonııanyń ózin-ózi qorǵaý otrıady áskerı-teńiz kúshteriniń kemeleri men Koreıa Respýblıkasynyń áskerı-teńiz kúshteri Chedjý aralynyń aınalasyndaǵy teńizde birikken teńiz jattyǵýlaryn qaıta ótkizdi, - dedi TsTAK. — Buǵan jaýap retinde KHDR Ulttyq qorǵanys Akademııasy janyndaǵy sýasty qarý-jaraq júıeleri ınstıtýty Shyǵys teńiziniń sý aıdynynda ázirlenip jatqan "Heıl-5-23" ıadrolyq qarýynyń sýasty júıesin synaqtan ótkizdi.

2023 jyldyń 24 naýryzynda «Koreıa daýysy» radıosy KHDR 21-23 naýryz aralyǵynda jarylystan keıin radıoaktıvti tsýnamı týdyrýy múmkin ıadrolyq zarıadty tasymaldaýǵa qabiletti jańa sýasty qarýyn synaqtan ótkizgenin habarlaǵan bolatyn.

Onyń mıssııasy - sý astynda jasyryn júzý arqyly aýyr radıoaktıvti tsýnamı týdyryp, jaýdyń kemeler toby men portyn joıý.