Soltústik Koreıa Ońtústik Koreıaǵa aparatyn joldardy jaryp jiberdi

<p>ASTANA. KAZINFORM &ndash; Soltústik Koreıa Ońtústik Koreıaǵa aparatyn batys pen shyǵystaǵy eki tas joldyń ýchaskelerin jaryp jiberdi, dep habarlaıdy <a href="https://en.yna.co.kr/" target="_blank" rel="noopener">Yonhap</a> aqparat agenttigi.&nbsp;</p>

«Soltústik Koreıa túske taman áskerı demarkatsııa syzyǵynyń soltústigindegi Kengı jáne Tonhe joldarynyń bólikterin jaryp jiberdi», - dep keltirdi agenttik Koreıa Respýblıkasy Birikken shtab bastyqtarynyń málimdemesin.

Áskerıler jaǵdaıdy qadaǵalap, baqylaýdy kúsheıtkenin qosyp ótti.

Ońtústik Koreıa bıligi KHDR joldardy jarýǵa daıyndalyp jatqanyn bir kún buryn habarlady.

Phenıan buǵan deıin ońtústikke aparatyn barlyq avtomobıl joldary men temir joldardy jaýyp tastaýǵa nıetti ekenin málimdegen.

Sondaı-aq, Soltústik Koreıa bıligi eki Koreıany bólip turǵan belgilengen aımaq mańynda tankke qarsy tosqaýyldar salý jáne shekarany nyǵaıtý úshin óz jaǵyndaǵy jol shamdaryn buzyp, olardyń boıyna mınalar qoıǵany, sondaı-aq áskerlerdi ornalastyrǵany habarlandy.