Soltústik Koreıa Kım Chen Ynnyń qurmetine jańa ánurandy shyrqady

<p>ASTANA. KAZINFORM &ndash; Soltústik Koreıa kóshbasshy Kım Chen Yndy &laquo;meıirimdi áke&raquo; jáne &laquo;uly kóshbasshy&raquo; retinde madaqtaıtyn jańa án shyǵardy. Bul qadam &ndash; onyń bedelin arttyrýǵa baǵyttalǵan úgit-nasıhat jumystarynyń bir bóligi, dep habarlaıdy <a href="https://www.reuters.com/world/asia-pacific/north-korea-releases-song-praising-leader-kim-friendly-father-2024-04-19/" target="_blank" rel="noopener">Reuters</a>.&nbsp;</p>

«Friendly Father» (Jarqyn júzdi áke) ánine túsirilgen beınebaıan sársenbi kúni memleket baqylaýyndaǵy Koreıanyń ortalyq telearnasynda kórsetildi.

Onda balalardan bastap áskerı jáne medıtsına qyzmetkerlerine deıin «Án aıtamyz, Kım Chen Yn uly kóshbasshy» jáne «Jarqyn júzdi áke Kım Chen Yndy madaqtaımyz» sııaqty óleń shýmaqtaryn shyrqady.

Kım tamashalaǵan orkestrdiń súıemeldeýimen ánniń tikeleı oryndalýy memlekettik telearnadan da kórsetildi.

Ánniń shyǵýyna az ýaqyt qalǵanda Soltústik Koreıanyń memlekettik BAQ eldiń negizin qalaýshy Kım Ir Senniń týǵan kúnine arnalǵan merekeniń atyn ózgertti — jyl saıynǵy memlekettik merekeni «Kún kúni» dep ataýdyń ornyna, memlekettik BAQ ony negizinen «Sáýir merekesi» dep ataı bastady.

Mundaı ózgerister Kım Chen Ynnyń ózinen burynǵylarǵa senim artpastan óz aıaǵymen turý áreketiniń bir bóligi bolýy múmkin, dedi Ońtústik Koreıanyń Birlik mınıstrliginiń resmı ókili.