Soltústik Qazaqstanda sabaq onlaın formatqa aýysty

<p>Soltústik Qazaqstan oblysynda qatty aıazǵa baılanysty sabaqtar qashyqtan oqý formatyna aýystyryldy, dep habarlaıdy Kazinform agenttiginiń menshikti tilshisi.</p>

Óńirde 30 gradýs aıaz bolyp tur. 0-11 synyp oqýshylary búgin úıde qalyp, sabaqty onlaın ótkizedi.

Sınoptıkterdiń boljamynsha, qatty aıaz birneshe táýlikke sozylady. “Qazgıdromet” RMQ bólimshesiniń aqparaty boıynsha, búgin, 7 jeltoqsanda qar jaýyp, jaıaý burqasyn bolady. Soltústik-batystan soqqan jeldiń jyldamdyǵy sekýndyna 9-14 metrge jetýi múmkin. Aýa temperatýrasy túnde jáne kúndiz 27-32 gradýs aıaz bolyp, ary qaraı tómendeı beredi.

Erteń, 8 jeltoqsanda, kún ashyq bolady. Soltústikten, soltústik-batystan soqqan jel ekpini sekýndyna 3-8 metrge jetedi. Termometr baǵany túnde 33-38 gradýsqa, soltústiginde mınýs 41 gradýsqa deıin tómendeıdi, kúndiz mınýs 28-33 aralyǵynda bolady.

Juma, 9 jeltoqsanda oblystyń soltústik óńirlerinde qar jaýyp, jaıaý burqasyn bolady. Túnde aýa temperatýrasy 33-38 gradýs aıaz, soltústiginde mınýs 41, kúndiz 26-31 gradýs aıaz bolady.