Soltústik Qazaqstan oblysynda pııaz ben ósimdik maıy arzandady

<p>PETROPAVL. KAZINFORM &ndash; Soltústik Qazaqstan oblysynda sáýir aıynyń qorytyndysy boıynsha ınflıatsııa 9,5% qurady. Al azyq-túlik taýarlary bir jylda 7% qymbattady.</p>

Ulttyq statıstıka bıýrosynyń SQO boıynsha departamentiniń málimetinshe, kúrishtiń baǵasy – 32%, jumyrtqa, sábiz jáne aq qyryqqabat – 22%, jańa pisken jemister – 15%, kondıterlik ónimder – 11%, balyq pen teńiz ónimderi – 10%, qyzanaq – 3%, qant – 2%-ǵa qymbattaǵan. Al jarmalar 19%-ǵa, pııaz – 51%, qııar – 16%, kartop – 3%, ósimdik maıy – 20%-ǵa arzandady. 

Taýarlardyń azyq-túlik emes tobynda motor maıy baǵasy – 17%, jeke paıdalanylatyn zattar, aspaptar men taýarlar shamamen – 15%, farmatsevtıkalyq ónimder – 10%, kıim men aıaq kıim – 9%, benzın shamamen 14%-ǵa qymbattady. 

Turǵyn úıdi jaldaý aqysy – 19%, ambýlatorııalyq-emhanalyq qyzmetter – 13%, kabeldik teledıdar qyzmetteri – 9,5%, kólik qyzmetteri – 12%-ǵa ósti, onyń ishinde ushaqpen ushý bıleti 16%-ǵa ósken. Meıramhanaǵa barý 11%-ǵa qymbattady.

Buǵan deıin SQO-da esirtki qylmysy bes ese óskenin aıtqan edik.