Soltústik Qazaqstan oblysynda 3,2 myńnan astam úı sý astynda qalyp otyr
«Qazirgi ýaqytta oblys aýmaǵyndaǵy jaǵdaı kúrdeli bolǵanymen turaqty. Sergeev sý qoımasy 169 paıyzǵa tolyp, sý bóget bóget erneýinen 3 metr 60 sm asyp-tógilip jatyr. Bógetke kelip jatqan sý kólemi azaıyp keledi, táýlik ishinde 3 sm tómendedi. Esil aýdanynyń Pokrovka selosyndaǵy gıdrobekette sý deńgeıi 27 sm kóterildi. Alaıda úılerdi jańadan sý basý derekteri tirkelgen joq. Petropavl qalasynda táýlik ishinde sý deńgeıi 4 sm, RF-men shekaradaǵy Dolmatovo aýylynda 5 sm tómendedi. ıAǵnı, alǵashqy tolqynnyń sýy ketip, onyń ornyna ekinshisi kelip jatqanyn kórsetedi. Qazgıdromet mamandarynyń boljaýy boıynsha ekinshi tolqyn birinshi tolqyndaı kóp sý ákelmeıdi», - dedi ol Ortalyq kommýnıkatsııalar qyzmetindegi brıfıngte.
Onyń dereginshe, SQO-da tasqyn bastalǵannan beri 3 419 úıdi sý basty, 196 úıden sý ketti. Qazirgi sátte, 3 223 úı jáne 1 115 úı mańyndaǵy aýla sýda tur. Jalpy, oblys boıynsha 14 388 adam, onyń ishinde 3 596 bala evakýatsııalandy. 764 adam, onyń ishinde 200 bala úılerine oraldy. Evakýatsııalyq pýnktterde 906 adam (onyń 159 bala) bar. 12 718 adam (3 237 bala) týysqandarynyń úıinde. 5 323 bas mal qaýipsiz jerge shyǵaryldy.
TJ joıýǵa barlyq kúshter jumyldyrylǵan. Sý tasqynyna qarsy is-sharalardy oryndaýǵa qazir SQO TJD, TJM-niń Astana, Túrkistan, Qaraǵandy, Pavlodar, Ulytaý, Abaı oblystarynyń, QR Qarýly kúshteri tartylǵan.
«Oblystyń aýdandary men Petropavl qalasyndaǵy sý tasqynyna qarsy shtabtary táýlik boıy qyzmet atqarýda. Sý tasqynynyń jaǵdaıy turaqty baqylaýda», - dedi Evgenıı Jýravlev.