Soltústik Irlandııada joǵalǵan mysyq tórt jyldan keıin basqa elden tabyldy

<p>ASTANA. KAZINFORM &ndash; Soltústik ırlandııalyq otbasy joǵalǵan mysyǵyn tórt jyldan keıin basqa eldegi úıinen taýyp aldy, dep jazady <a href="https://azertag.az/ru/xeber/poteryavshegosya_kota_nashli_cherez_chetyre_goda_v_drugoi_strane-2928271" target="_blank" rel="noopener">AZERTADJ.</a></p>

Agenttiktiń habarlaýynsha, Blýberrı atty qara mysyq 2019 jyldyń qarasha aıynda joǵalyp ketken. Ol Soltústik Irlandııanyń soltústigindegi Daýn okrýginiń Bangor qalasynda, Smıt otbasynda meken etken jáne aqpan aıynyń basynda kútpegen jerden Irlandııa Respýblıkasynyń batysyndaǵy Golýeı okrýginen tabyldy.

Qańǵybas mysyqty Moıkýllen aýylynyń turǵyny baıqap qalǵan. Ol Super Valu sýpermarketiniń mańynan tabyldy. Mysyq aýrý bolyp kóringendikten, er adam ony jergilikti mal dárigerine aparǵan. Odan mysyq tumaýy anyqtaldy. Veterınarlar mysyqtan mıkrochıp tapty, biraq ırlandııalyq úı janýarlary bazasynan izdeý nátıje bermedi. Sodan keıin veterınarlar Eýropanyń 26 ​​elin qamtıtyn Europetnet málimetter bazasyn izdep, Ulybrıtanııadan sáıkestik tapty. Olar mysyqtyń aty Blýberrı, jasy 10-da ekenin, osydan tórt jyl buryn adasyp, 240 shaqyrym jol júrip, memlekettik shekaradan ótkenin anyqtady.

Smıtter otbasy mundaı jańalyqty kútken joq. Hanna Smıt Velfast Telegraph basylymyna

«Biz odan birjola kóz jazyp qaldyq dep oıladyq. Biraq ońtústikten bireý qońyraý shalyp, mysyǵymyzdyń tabylǵanyn aıtty», - dedi. 

Hanna men onyń ata-anasy alǵashynda sene almady. Smıtter mysyqty úıine alyp ketti. Aıtýlarynsha, mysyq ıelerin birden tanyp, aıaǵyna jarmasqan.