Soltústik Araldy saqtaý jobasynyń alǵashqy nátıjesi: teńizdegi sý 42%-ǵa ulǵaıdy

<p>ASTANA. KAZINFORM &mdash; Sý resýrstary jáne ırrıgatsııa mınıstri Nurjan Nurjigitov Aral aýdanynyń turǵyndarymen Aral teńiziniń Soltústik bóligin qalpyna keltirý jobasynyń ekinshi kezeńin iske asyrý máselesin talqylady.&nbsp;</p>

Jıynǵa Parlament Májilisiniń depýtaty Marhabat Jaıymbetov, Qyzylorda oblysynyń sý sharýashylyǵy ókilderi men sarapshy-ǵalymdar qatysty.

Soltústik Araldy saqtaý jobasynyń alǵashqy kezeń qorytyndysy boıynsha teńizdegi sý kólemi 42%-ǵa artyp, 27 mlrd tekshe metrge jetti. Teńiz sýynyń tuzdylyǵy tórt esege jýyq tómendep, jyl saıynǵy balyq aýlaý kórsetkishi 8 myń tonnaǵa deıin jetti.

Memleket basshysynyń tapsyrmasyn iske asyrý maqsatynda Sý resýrstary jáne ırrıgatsııa mınıstrligi «Óńirlik damytý jáne Aral teńiziniń Soltústik bóligin qalpyna keltirý» jobasyn ázirleýde. Joba negizgi 3 negizgi baǵytty qamtıdy. Atap aıtqanda, Soltústik Aral teńizinde sý jınaqtaýdyń kólemi men tıimdiligin arttyrý, sý resýrstaryn basqarýdy jaqsartý, balyq sharýashylyǵy men ekotýrızmdi damytý, óńirdiń ekologııalyq jaǵdaıyn jaqsartý boıynsha mańyzdy is-sharalar qarastyrylǵan.

Aıta ketý kerek, Sý resýrstary jáne ırrıgatsııa mınıstrligi 2024 jyly Aralǵa 2,6 mlrd tekshe metrge jýyq sý jiberdi. Onyń ishinde sýarý kezeńinde rekordtyq kólem - 1 mlrd tekshe metr sý bardy.

Bul Syrdarııa sýyn saýatty bólý jáne ony únemdeýdiń nátıjesinde múmkin boldy. Salystyrmaly túrde aıtsaq, 2022 jyly Aralǵa bar bolǵany 816 mln tekshe metr sý jiberilgen edi.

«Bul nátıjeler – sońǵy eki jylda júrgizilgen júıeli jumystyń jemisi. Biz sý únemdeý, transshekaralyq ózenderdegi sý resýrstaryn ádil bólý máselesinde kórshiles eldermen ózara túsinistikke qol jetkizip, naqty qadamdar jasadyq. Aldaǵy ýaqytta da osyndaı kelissózderdi jalǵastyra otyryp, mańyzdy sý qoımalarynyń deńgeıin turaqty ustap turýǵa bar kúshimizdi salamyz. Araldy qalpyna keltirýge baǵyttalǵan joba eń aldymen óńirdiń ekologııalyq jaǵdaıyn jaqsartýǵa, balyq sharýashylyǵy men týrızmdi damytýǵa jáne halyqtyń ál-aýqatyn arttyrýǵa baǵyttalyp otyr», - dedi Sý resýrstary jáne ırrıgatsııa mınıstri Nurjan Nurjigitov.

Jobanyń negizgi baǵyttary týraly baıandamalardan keıin, jıyn «ashyq mıkrofon» formatynda jalǵasty. Aýdan turǵyndary jobany iske asyrýǵa qatysty óz pikirlerimen bólisip, tolǵandyrǵan suraqtaryna jaýap aldy. Nurjan Nurjigitov qoǵamdyq talqylaýdan keıin azamattardy jeke qabyldady.

Aıta keteıik, bıyl sýarý kezeńinde Soltústik Aral teńizine 1 mlrd tekshe metr sý jiberildi.