Soltústikkoreıalyq kıbertop qazaqstandyq kompanııalarǵa shabýyl jasady
11:09, 12 Tamyz 2022
NUR-SULTAN. QazAqparat - Kompıýterlik vırýstardan qorǵaý júıesin ázirleýge mamandanǵan kompanııanyń sarapshylary jańa Andariel shabýyldaryn anyqtady. Bul Lazarus quramyna kiretin soltústikkoreıalyq kıbertoptyń shabýyly, dep habarlaıdy QazAqparat.
Shabýyl jasaý kezinde olar belgili DTrack baǵdarlamasynyń modıfıkatsııasyn, sondaı-aq jańa Maui tólem quralyn paıdalanady. Kıbertop AQSh, Japonııa, Úndistan, Vetnam, Reseı jáne Qazaqstandaǵy iri uıymdardy nysanaǵa alǵan.
Andariel naqty kompanııalarǵa nazar aýdarmaıdy, shabýyldaýshylar úshin eń bastysy - uıymnyń qarjylyq jaǵdaıy. Top on jyldan astam jumys istep keledi. 2022 jyly da zııandy baǵdarlamalar arsenalyn jáne shabýyl geografııasyn keńeıtýdi jalǵastyrýda.
AQSh-tyń kıberqaýipsizdik jáne ınfraqurylymdy qorǵaý agenttiginiń shilde aıyndaǵy esebinde Andariel úkimettik jáne densaýlyq saqtaý uıymdaryna Maui tólem baǵdarlamasy arqyly shabýyl jasaǵany kórsetilgen.