Soltústikke qonys aýdarýshylar úshin agroónerkásiptik keshende 20,2 myń jumys orny qurylady
«Óndiristik-ınvestıtsııalyq jobalardy iske asyrý úshin osy jyly 65-ten asa taýarly-sút fermasynyń, onyń ishinde soltústik óńirlerde 2 myńdaı jańa jumys ornyn qurý arqyly 45 taýarly-sút fermasynyń qurylysy josparlanǵan. Sonymen qatar, agroónerkásiptik keshendi damytýdyń jol kartasy aıasynda 2026 jylǵa deıin qonys aýdarýshylardy qabyldaý óńirlerindegi agroónerkásiptik keshende 20,2 myń jumys ornyn qura otyryp, 530 ınvestıtsııalyq jobany iske asyrý kózdelgen», - deıdi Úkimet basshysy jaýabynda.
Premer-Mınıstr bıyl Qazaqstan Respýblıkasynyń aýyldyq aýmaqtaryn damytýdyń 2023-2027 jyldarǵa arnalǵan tujyrymdamasy qabyldanǵanyn eske salady.
«Tujyrymdama aıasynda eńbek resýrstarynyń utqyrlyǵyn yntalandyrýmen memlekettik qoldaýdy, onyń ishinde azamattardy erikti túrde ekonomıkalyq ósýdiń óńirlik ortalyqtarynan shalǵaı jáne oqshaýlanǵan eldi mekenderden ınfraqurylymy damyǵan, jumyspen qamtý múmkindikteri kóbirek tirek aýyldarǵa jáne óńirlik «ósý núktelerine» (qalalar men oblys ortalyqtaryna) kóshirý kózdelgen. Osylaısha, erikti túrde qonys aýdarý baǵdarlamasyn atalǵan tujyrymdamamen sabaqtastyryp, keshendi túrde iske asyrý josparlanyp otyr», - deıdi Álıhan Smaıylov.