Soltústikqazaqstandyq túlekter UBT-ny aǵylshyn tilinde tapsyra alady

PETROPAVL. QazAqparat - Ótken jyly Soltústik Qazaqstan oblysyndaǵy 57 mektepte 99 muǵalim hımııa, fızıka, bıologııa, ınformatıka pánderin aǵylshyn tilinen varıatıvtik komponent arqyly oqytqyzǵan, dep habarlaıdy QazAqparat tilshisi.

Óńirdiń Bilim basqarmasynyń basshysy Gúlmıra Karımovanyń aıtýynsha, oblystan 54 muǵalim V1 jáne V2 deńgeıindegi kýálikterge ıe.

«2018 jyldan bastap jalpy 349 pedagogy bar 205 mektepte hımııa, fızıka, bıologııa jáne ınformatıka pánderi aǵylshyn tilinde ótetin bolady», - dedi G.Karımova.

Sondaı-aq, ol úsh tildi bilim berýdiń strategııalyq maqsatyn júzege asyrý úshin bir ýaqytta úsh tildi úıretý úshin qajet jaǵdaı jasaý kerektigin aıtyp ótti.

«Biz jańartylǵan mazmundy engizýdiń ekinshi kezeńin bastadyq. Kelesi jyly bul baǵytta jumys jasaıtyn jeti parallel bolady. Bul 1,2,3 jáne 5-6-7 men 8-synyptar. Jańartylǵan baǵdarlama boıynsha oqytýǵa kóshý úshin endi eki kezeń qaldy», - dedi G.Karımova.

Ótken aıda óńirde synyptan synypqa kóshý, mektep bitirý emtıhandary bolyp ótti. Soltústikqazaqstandyq oqýshylardy alda ulttyq biryńǵaı testileý kútip tur. Ony aǵylshyn tilinde tapsyrýǵa bolady.

Bıyl Soltústik Qazaqstan oblysynda 3894 túlek mektep bitirgen. 2748 bala UBT-ny tapsyrýǵa nıet bildirip otir.