Soltústik teńizde 3 myń kólik tıelgen keme órtendi

ASTANA. QazAqparat – Nıderland jaǵalaýynda júk kemesi órtendi. Bir adam qaza taýyp, 16 adam jaraqat aldy, dep habarlaıdy QazAqparat Euronews-ke silteme jasap.

Aman qalǵan 23 ekıpaj múshesi tikushaqtarmen evakýatsııalandy. 7 adam borttan sekirip ketken, olar qutqarý qaıyqtarymen jaǵalaýǵa jetkizildi.

Panama týy ilingen Fremantle Highway kemesi nemistiń Bremerhafen portynan Port-Saıdke 3 myńnan astam avtokólikti tasymaldap bara jatqan. Apat týraly belgi gollandııalyq Ameland aralynan soltústikke qaraı 30 shaqyrym jerde tún jarymynan asqanda beriledi. Boljam boıynsha, órttiń tutanýyna elektrokar sebep bolǵan. Bul týraly koroldik jaǵalaý kúzetiniń ókili NOS ulttyq telearnasyna bergen suhbatynda málimdedi.

Qutqarýshylar órtti sóndirip, kemeniń batyp ketýin boldyrmaýǵa tyrysyp jatyr. Sebebi, ol ekologııalyq apatqa ákelýi múmkin.