«Soltústik-Shyǵys-Ońtústik» elektr jelisiniń qurylysyn 2018 jyly tolyq aıaqtaý josparlanýda - Q. Bozymbaev

ASTANA. QazAqparat - «Soltústik-Shyǵys-Ońtústik» tranzıti 500 kV jelisiniń qurylysy jobasyn tolyq aıaqtaýdy 2018 jalǵa josparlanyp otyr. Bul týraly búgin xalyq aldynda esep berý kezdesýinde QR Energetıka mınıstri Qanat Bozymbaev málim etti.

Jobanyń jalpy quny 120 mlrd. teńgeni quraıdy dep kórsetilgen.

Bul joba áleýmettik mańyzǵa ıe ekenine toqtalǵan ol, jeliniń qurylysy kezinde jumys oryndary qurylatyndyǵyn, osy oraıda 1,8 myńǵa tarta adam jumysqa tartylatyndyǵyn atap ótti.

«Nurly jol» baǵdarlamasy aıasynda 1500 shaqyrymdyq «Soltústik-Shyǵys-Ońtústik» joǵary voltti jeli tartylady. Ol joba 2018 jyly aıaqtalady. Onyń salynýy ońtústik óńirlerdiń sońǵy kezde elektr energııasyna ósip otyrǵan suranysyn óteýge múmkindik beredi», - dedi mınıstr.

«Elimizdiń shekti tarıftik baǵdarlamasy tabysty iske asty. Nátıjesinde elektr qýatyn óndiretin  kompanııalar mol energııa qoryn qalyptastyrdy. Bul sala 2025 jylǵa deıin el ekonomıkasyn elektr energııasymen qamtamasyz etý múmkindigi bar. Sondyqtan biz elektr energııasynyń tarıfi men baǵa belgileý máselesin tereń taldadyq. Elbasynyń tapsyrysymen elektr energııasyn tasymaldaıtyn kompanııalardy irilendirý jumysyn bastaıtyn bolamyz», - dep atap ótti Q. Bozymbaev.