Soltústik Makedonııada sottalǵan qazaqstandyq jazasyn óz elinde óteı alady

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasy men Soltústik Makedonııa Respýblıkasy arasyndaǵy sottalǵan adamdardy berý týraly shartty ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

«Usynylyp otyrǵan sharttyń mańyzy erekshe. Eń aldymen, Konstıtýtsııa bekitken memlekettiń shetelde júrgen azamattaryn qorǵaý mindetin oryndaýǵa baǵyttalǵan. Elimizden tys jerde qylmystyq jaýapqa tartylyp, sottalǵan azamattarǵa týǵan jerinde jazasyn óteýge múmkinshilik beredi», - QR Bas Prokýrorynyń orynbasary Marat Ahmetjanov.

Onyń aıtýynsha, sottalǵandardy berý úshin ol adam eki eldiń biriniń azamaty bolýy tıis. Eki elde de qylmys bolyp sanalatyn áreket úshin sottalsa, jazasyn óz elinde óteı alady.

Sonymen qatar, sottalǵan adamnyń jazbasha kelisimi kerek.

Budan bólek, qujatta sottalǵan adam berilmetin jaǵdaılar aıqyndalǵan.

Budan buryn habarlanǵandaı, Májilistiń jalpy otyrysynda «Qazaqstan Respýblıkasy men Soltústik Makedonııa Respýblıkasy arasyndaǵy adamdardy ustap berý týraly shartty ratıfıkatsııalaý týraly» zań jobasy maquldandy. https://kaz.inform.kz/news/kazakstan-men-soltustik-makedoniya-arasyndagy-adamdardy-ustap-beru-tartibi-anyktaldy_a3756956

Atap aıtqanda, Qazaqstan men Soltústik Makedonııa arasyndaǵy qylmystyq sala máseleleri boıynsha sharttardyń tolyq paketi jasaldy.