Soltústik Koreıada ıadrolyq polıgon mańynda eki jer silkinisi boldy

SEÝL. QazAqparat - Jeksenbi kúni KHDR-daǵy ıadrolyq polıgon mańynda eki shaǵyn tabıǵı jer silkinisi boldy, dep habarlaıdy QazAqparat Ionhap agenttigine silteme jasap.

Ońtústik Koreıanyń memlekettik meteorologııalyq agenttigi bul jer silkinisiniń sońǵy aılarda aımaqta bolǵan tabıǵı oqıǵa ekenin málimdedi.

Magnıtýdasy 2,7 bolatyn birinshi zilzala Soltústik Hamgeng provıntsııasyndaǵy Gıljý qalasynan soltústik-batysqa qaraı shamamen 40 km jerde tańǵy saǵat 3:13-te, al 2,3 balldyq ekinshi jer silkinisi Gıljý qalasynan soltústik-batysqa qaraı 42 km jerde tańǵy saǵat 7:55-te boldy.

«Birinshi jer silkinisiniń epıtsentri soltústik endiktiń 41,3 gradýsynda jáne shyǵys boılyqtyń 129,19 gradýsynda 15 shaqyrym tereńdikte, al ekinshi jer silkinisiniń oshaǵy soltústik endiktiń 41,31 gradýsy men shyǵys boılyq 129,16 gradýsynda boldy. 5 shaqyrym tereńdikte», - dep habarlady agenttik.

Kıljý - Pýngerı ıadrolyq polıgonynyń orny, onda Soltústik Koreıa óziniń barlyq alty ıadrolyq synaqtaryn ótkizdi.

Tek 2022 jyly bul aımaqta segiz tabıǵı jer silkinisi boldy.