Soltústik Koreıa shyǵysqa qaraı 3 zymyran ushyrdy

TOKIO. QazAqparat – Japonııa úkimeti beısenbi kúni tańerteń Soltústik Koreıa shyǵys baǵytta úsh zymyran ushyryp, olardyń biri qurlyqaralyq ballıstıkalyq zymyran bolýy múmkin dep málimdedi. Bul týraly QazAqparat Japonııanyń Kyodo agenttigine silteme jasap habarlaıdy.

Japonııa úkimeti bastapqyda J-Alert-ke Soltústik Koreıa ushyrǵan alǵashqy zymyran Honsıý aralynyń ústinen ushatyny týraly eskertý jasady, biraq keıinirek ol snarıad Japon teńiziniń ústindegi radardan joǵalyp ketkenin habarlady.

Syrtqy ister sarapshylarynyń aıtýynsha, Soltústik Koreıanyń sońǵy ushyrǵan zymyrany AQSh pen Ońtústik Koreıanyń bes jyl ishindegi alǵashqy aýqymdy birlesken áýe jattyǵýlaryna jaýap bolýy múmkin.

Beısenbide Japonııa premer-mınıstri Fýmıo Kısıda Soltústik Koreıanyń birneshe ret zymyran ushyrýyn «varvarlyq jáne mıǵa syımaıtyn áreket» dep aıyptady.

Ońtústik Koreıa áskerıleri Phenıannyń Sýnan aýdanynan tańǵy saǵat 7:40 shamasynda uzaq qashyqtyqtaǵy ballıstıkalyq zymyran, sodan keıin tańǵy 8:39 shamasynda Ońtústik Phenıan provıntsııasynan shyǵysqa qaraı eki qysqa qashyqtyqtaǵy zymyran ushyrylǵanyn málimdedi.

Foto: Kyodo