Soltústik Qazaqstannyń kásipkerleri men ardagerleri Elbasynyń tez saýyǵyp ketýin tiledi
Soltústik Qazaqstan oblysy Ardagerler keńesiniń tóraǵasy Eskendir Eleýsizov Elbasynyń tezirek saýyǵyp ketýin tileıdi.
«Asa mártebeli Nursultan Ábishuly! Qyzyljar óńiriniń ardagerleri de koronovırýs pandemııasyna baılanysty elimizde týyndaǵan qıyn jaǵdaıǵa jiti kóz tigip otyr. Jahandy dúrbeleńge salǵan indetti eńserýge biryńǵaı respýblıkalyq «Biz birgemiz» aktsııasymen ún qosqanyńyz, barlyq qazaqstandyqtarǵa jetekshi partııanyń tóraǵasy retinde úndeý jarııalaǵanyńyz boıǵa qýat, janǵa shýaq berýde. Koronavırýsqa oraı oqshaýlanǵanyńyzǵa alańdaǵanymyzben, qashyqtan jumys isteýdi jalǵastyryp jatqanyńyzǵa qýanyp qaldyq. Dertińizden tez aıyǵýǵa shyn júrekten tilektespiz! Dana halqymyz aıtqandaı: «Kóptiń tilegi – kól» bolsyn!», - dep jazdy E.Eleýsizov.
«Asa qurmetti Nursultan Ábishuly! Tezirek saýyǵyp ketýińizge tilektespiz! Soltústik Qazaqstandaǵy zaýyttar sizdiń qoldaýyńyzdyń arqasynda jańadan «ómirge kelip», damyp jatyr. Bul biz úshin óte mańyzdy! Osyndaı qıyn sátte sizge qoldaý kórsetemiz. Sizdiń ómirlik qýatyńyz, kúshińiz ben optımızmińiz aýrýdan ústem bolatynyna senimdimiz», - dep jazdy «Radýga» JShS bas dırektory Dmıtrıı Sharapaev.
Óz kezeginde, «Zenchenko ı K» sharýa qojalyǵynyń dırektory Gennadıı Zenchenko ákesiniń Tuńǵysh Prezıdentpen dos bolǵanyn únemi maqtan tutanynyn eske aldy.
«Sizge jáne otbasyńyzǵa osyndaı qıyn kúnderi shyn júregimmen qoldaý kórsetemin! Ómirlik energııańyzdyń arqasynda aýrýdy jeńip, Otanymyz – Qazaqstan Respýblıkasynyń ıgiligi úshin qyzmetińizge qaıta oralatynyńyzǵa senimdimin. Tolyqtaı tezirek saýyǵyp ketýińizge tilektespin!», - dep jazdy G. Zenchenko.