Soltústik Qazaqstanǵa jyl basynan beri 24 myń týrıst kelgen

PETROPAVL. QazAqparat - QR Mádenıet jáne sport vıtse-mınıstri Erjan Erkinbaev Soltústik Qazaqstan oblysynyń turǵyndarymen kezdesý ótkizdi. Іs-shara barysynda ózekti máseleler talqylandy, sondaı-aq mınıstrliktiń týrızmdi damytý baǵytynda júrgizip jatqan jumysy týraly aqparat aıtyldy.

Vıtse-mınıstr 2023 jyldyń I toqsanynyń qorytyndysy boıynsha Soltústik Qazaqstan oblysyna 24 myńnan astam týrıst kelgenin atap ótti.

Jergilikti qonaq úıler kórsetken qyzmetter kólemi 360 mln teńgeni qurady, bul ótken jyldyń sáıkes kezeńimen salystyrǵanda 28% artyq.

Tósek oryn sany - 5 485.

Al ótken jyly «Kókshetaý» ulttyq parkin damytý boıynsha master-jospar qabyldandy, onda jyl boıy zamanaýı eko-qonaqúıler, glampıngter, avtokerýenderdi toqtatýǵa arnalǵan oryndar salý kózdelgen.

Investıtsııa kólemi - shamamen 4,5 mlrd teńge.

Kezdesý barysynda Erjan Erkinbaev jergilikti turǵyndar aıtqan birqatar suraqtarǵa jaýap berdi.

Mysaly, SQO ákimdigi Imantaý-Shalqar kýrortty aımaǵynda, onyń ishinde balalar lagerleriniń aýmaǵynda baılanysty qamtamasyz etý boıynsha jumys júrgizip jatyr.

Al qatty turmystyq qaldyqtar jınalǵan polıgondar problemalaryn sheshý úshin jeke ınvestorlardy tartý usynyldy.

Sonymen qatar, vıtse-mınıstr týrıstik maýsym kezinde «Imantaý-Shalqar» kýrortty aımaǵy aýmaǵynda mobıldi medıtsınalyq pýnktterdi uıymdastyrý qajettigin málimdedi.