Soltústik Qazaqstandaǵy kólde balyq qyryldy

PETROPAVL. QazAqparat - Petropavl mańyndaǵy Pestroe kólinen balyqtardyń ólimtigi tabyldy, dep habarlaıdy QazAqparat tilshisi.

Áleýmettik jelilerde alabuǵa túsirilgen vıdeorolık taraldy. Ekologtar, tabıǵat resýrstaryn qorǵaý jáne tabıǵat paıdalanýdy retteý basqarmasy, tabıǵatty qorǵaý prokýratýrasy, orman sharýashylyǵy jáne janýarlar dúnıesi aýmaqtyq ınspektsııasynyń mamandary oqıǵa ornyna jiberildi.

«Anyqtalǵandaı, kóldi jalǵa alýshy aıdynǵa alabuǵa tólin jibergen. Jalpy 30 kılogramǵa jýyq tól sýǵa jiberilgen. Jiberilgen balyqtardyń shamamen 20% tasymaldaý kezinde mertigip, qoqysqa aınalǵan», - deıdi Soltústik Qazaqstan oblystyq ekologııa departamentiniń basshysy Ermek Ýmarov.

Onyń aıtýynsha, departament zerthanasynyń mamandary «Qazgıdromet» RMK fılıalymen birge sý quramyn zertteý úshin synama alǵan. Departament basshysy synaq nátıjeleri týraly habarlaýǵa ýáde etti.

Avtor: Olesıa Jýkoven