Soltústik Qazaqstanda jınalǵan rekordtyq astyqta dıqan Arystan Júnisovtiń de úlesi bar

ROPAVL. Qazannyń  29-y. QazAqparat /Serik Muqanov/ -Aýa raıynyń jaısyzdyǵyna qaramastan, Soltústik Qazaqstan oblysynyń dıqandary bıyl rekordtyq kórsetkishke qol jetkizdi - 6,1 mıllıon tonna  astyq  jınady. Osynaý rekordqa  Mamlıýt aýdany Bekseıit  aýylyndaǵy  «Mámbetov jáne K» kommandıttik seriktestiginiń  brıgadıri Arystan Júnisov te úles qosty.

 Mundaı mol astyq bolmaǵaly qashan deıdi, kónekózder.     Eginshilerdiń  qyzý eńbekteri men  memleket  tarapynan  kórsetilgen qoldaýdyń arqasynda osyndaı mol astyqqa qol jetkizilip otyr.  Agrotehnıkalyq is-sharalardyń sapasyn jaqsartý jónindegi jumystar      jyldan-jylǵa  eginniń  shyǵymdylyǵyn arttyrýda, A.Júnisovtyń   tabandylyǵynyń arqasynda  sharýashylyqta dándi daqyldardy óńdeýdiń  aldyńǵy qatarly tehnologııasy engizildi.

Eger  2007 jyly astyqtyń  shyǵymdylyǵy 19 tsentner/gektar bolsa, 2008 jyly  - 25 tsentner/gektardy qurady.  Bıyl A.Júnisovtyń  sharýashylyǵy  aınalymnan 27 tsentnerden  astyq jınady.     A.Júnisovtyń  eńbek  ótili - 17 jyl. Arystan eńbek  jolyn sovhozda júrgizýshi  bolyp bastaǵan, keıinnen mehanızator  bolǵan.    Indýstrııalyq-pedagogıkalyq  tehnıkýmdy  bitirgen. 90-shy jyldardyń  basynda  ol búginde  seriktestiktiń bas dırektory  bolyp otyrǵan  Erkebulan  Mámbetovtyń komandasyna  kirgen úsh mehanızatordyń biri  bolǵan edi.

Olar ol  kezde   sharýashylyqtaryn eski shynjyr tabandy traktordan bastaǵan  bolatyn.  Al bıylǵy egin oraǵyna  45  jańa zamanaýı  egin  oratyn mashına qatysty.

E. Mámbetov, Arystan Júnisovtyń  senimdi aqtaıtyn, ózine senip  tapsyrylǵan isti  tap-tuınaqtaı qylyp atqaratyn  azamat ekenin    aıtyp  otyr. «Bizdiń jerimiz osyndaı  jigitterdiń arqasynda gúldenip,  damıtyn bolady»,  deıdi dırektor.

Arystan -  Uly Otan  soysynyń  ardageri Noǵaı  Júnisovtyń     jalǵyz uly.  Jeti  qyzdan keıin zaıyby Noǵaıǵa ul  syılaǵan.       Ákesi oǵan  kúshti  jáne  tabandy bolsyn degen nıeten Arystan  dep  at qoıǵan.  Qazir  Arystan  Júnisov elý  jasqa jetken joq, biraq  ata atanyp  otyr. Zaıyby Aıman  ekeýi  úsh qyzdy  tárbıelep ósirdi.   Úlkenin turmysqa  berdi.

Brıgadırdiń    marapattary az  emes,  biraq oǵan Elbasy  qol qoıǵan    gramota erekshe  ystyq.  Sol bir 1999 jyldyń 10-shy qazanyn    A.Júnisov    eshqashan umytpaıdy. Ol «Mámbetov jáne K»  kommandıttik seriktestiginiń  barlyq músheleriniń, ıaǵnı  onyń  da juldyzdy saǵaty edi. Sol  joly astyq dalasynda  olar Elbasy  Nursultan Nazarbaevpen  kezdesti.  Elbasy dıqandarǵa alǵys aıtyp,     árqashan nandy bolýlaryna tilek bildirdi.