Soltústik Qazaqstanda Jastar saıabaqtary ashylady

PETROPAVL. QazAqparat - Jastar jylyna oraı Soltústik Qazaqstan oblysynda kóptep Jastar saıabaqtaryn ashý josparlanǵan, dep habarlaıdy QazAqparat tilshisi.

SQO ákimdiginiń Jastar saıasaty máseleleri jónindegi basqarma basshysy Irına Týhvatýlınanyń aıtýynsha, Jastar saıabaqtary oblys aýmaǵynda bıyl jazda ashylady.

«Biz Elbasynyń «Jasyl qala - jasyl aýyl» jobasyn qoldaımyz jáne bıyl ár aýdanda, Petropavl qalasynda Jastar saıabaqtaryn ashýdy josparlap otyrmyz. Budan basqa áskerı-patrıottyq baǵyt aıasynda «Áskerdegi bir kún» jobasyn júzege asyrmaqpyz. Maqsatymyz, jastardy áskerı boryshyn óteýge shaqyrý», - deıdi Irına Týhvatýlına.

Basqarma basshysynyń aıtýynsha, bıyl oblysta atqarylatyn jumystar aýqymdy. Petropavlda alǵash ret «Ivent»respýblıkalyq ınnovatsııalyq jobasy, kıbersporttan aımaqtyq týrnır, sondaı-aq jumysshy mamandyqtarynyń baıqaýy uıymdastyrylmaq. Shalǵaı aýyldarda eńbek etip jatqan jas mamandar úshin Jastar kerýeni lageri jumys isteıtin bolady.

Búgingi tańda Soltústik Qazaqstan oblysynda «Júz naqty qadam jastarǵa» jol kartasy jasalǵan. Nátıjesinde jastarǵa júıeli túrde qoldaý kórsetilip, 9 baǵyt boıynsha jumystar atqarylmaq.

Illıýstratsııalyq sýret