Soltústik Qazaqstanda stýdentter jataqhanasyn paıdalanýǵa berý merzimi jeti aıǵa aýystyryldy

PETROPAVL. QazAqparat – Petropavlda jergilikti joǵary oqý oryndarynyń stýdentteri úshin eki jataqhanany paıdalanýǵa berý merzimi jeti aıǵa keıinge qaldyrylady. Olar bıylǵy jyldyń jeltoqsan aıynda tapsyrylýy tıis edi, dep habarlaıdy QazAqparat tilshisi.

Amanat partııasy fılıalynyń baspasóz qyzmetiniń málimetinshe, nysandardy Májilis depýtattary Erkebulan Mámbetov pen Dmıtrıı Koloda aralady. Olar nysandardy tapsyrý merzimi kelesi jyldyń tamyz aıyna nege aýystyrylǵanyn anyqtaýǵa tyrysty.

Merdigerdiń aıtýynsha, qurylystyń keshiktirilgenine tenderge qatysýshylardyń biriniń sotta daýlasýy jáne jaqyn mańdaǵy jekemenshik úılerdi buzý máselesine baılanysty týyndaǵan problemalar sebep boldy.

«Jylý men sý bolmasa, nysan iske qosylmaıdy. Biz Petropavl ákimdiginen jaqyn jerde ornalasqan úsh úıdi satyp alý kerek degen qanaǵattanarlyq emes jaýap aldyq. Eger qarasha-jeltoqsan aılarynda biz ınfraqurylym júrgizbesek. onda merdigerdiń nysandy paıdalanýǵa berý merzimi belgisiz ýaqytqa keshiktiriledi. Ol qysta ishki jumystardy júrgize almaıdy», - dedi E.Mámbetov.

Jobanyń quny-5,5 mlrd teńge. Jataqhanalar 1200 orynǵa eseptelgen. Merdiger - «Osnovanıe» JShS.

Kolledj stýdentterige arnalǵan eki jataqhananyń qurylysy da sozyldy. Olardy bıyl tapsyrýǵa ýáde berdi.