Soltústik Qazaqstanda polıtseı jabaıy qazdardy zańsyz atqan
6 mamyrda saǵat 13:00 shamasynda «Sapsan» jedel toby men Soltústik Qazaqstan oblystyq aýmaqtyq ınspektsııasynyń qyzmetkerleri birlesken reıdtik is-sharalar júrgizý barysynda Aqqaıyń aýdany Qıaly aýyldyq okrýginiń Barykól aýyly mańyndaǵy Shaǵlyteńgiz kóliniń jaǵasynda jabaıy qustardy (qazdardy) ruqsat qujattarynsyz aýlaǵany úshin Petropavl qalasynyń 4 turǵynyn ustady, onyń ishinde Soltústik Qazaqstan oblysynyń polıtsııa qyzmetkeri bar.
Olardan zańsyz atylǵan 31 jabaıy qaz, 2 motorly qaıyq pen 12 kalıbrli, tegis uńǵyly 3 myltyq tárkilendi.
Aldyn ala esepteý boıynsha jabaıy qazdary zańsyz atýdan memleketke keltirilgen zalal – 800 myń teńge.
Oqıǵa ornyna Soltústik Qazaqstan oblysy Aqqaıyń aýdandyq polıtsııa bóliminiń jedel-tergeý toby shaqyryldy. Zańsyz ań aýlaý faktisi Aqqaıyń aýdany SDTBD-de QK-niń 337-baby 3-bóligi boıynsha tirkeldi (adamdar tobymen jasaǵan zańsyz ańshylyq). Qylmystyq qýdalaý organy sotqa deıingi tergep-tekserýdi bastady.