Soltústik Qazaqstanda on jylda halyq sany 7,3% azaıǵan, ortasha jalaqy - 177 myń teńge

ASTANA. QazAqparat - Ulttyq ekonomıka mınıstrligi Soltústik Qazaqstan oblysynyń ekonomıkalyq damýy týraly statıstıkalyq málimet jarııalady, dep habarlaıdy QazAqparat.

Soltústik Qazaqstan oblysy respýblıkanyń agrarlyq-ındýstrıaldy aımaǵyna jatady.

Oblys soltústiginde Reseımen (Omby, Túmen jáne Qorǵan oblystarymen), shyǵysynda Pavlodarmen, ońtústiginde Aqmola, batysynda Qostanaı oblystarymen shektesedi.

Oblysta 1 oblystyq mańyzy bar qala, 4 aýdandyq mańyzy bar qala, 13 aýdan, 635 kent, 186 aýyldyq okrýg bar.

Soltústik Qazaqstan oblysy halqynyń sany 2023 jylǵy 1 qańtardaǵy jaǵdaı boıynsha 534 108 adamdy qurady, onyń ishinde qala halqy – 258 927 adam, aýyl halqy – 275 181 adam.

Sońǵy on jylda oblys halqynyń sany 7,3% qysqardy (2012 jylǵy 579 700 adamnan 2022 jylǵy 534 108 adamǵa deıin).

Demografııalyq jaǵdaı halyq sanynyń azaıýymen sıpattalady, ol tek kóshi-qon aǵynynyń esebinen ǵana emes, sonymen birge 2020 jyldan bastap tabıǵı tómendeý esebinen de azaıýda (2022 jyly 1000 adamǵa -0,7).

Ásirese, aýyldardy qonystandyrý úrdisi baıqalatyn shekaralas aımaqtarda másele ótkir bolyp tur.

Bul rette oblystaǵy jalpy halyqtyń 41 protsenti (222 myń adam) oblys ortalyǵy Petropavlda turady.

Byltyr oblystyń JÓÓ kólemi 2122,8 mlrd.teńgeni qurady, oblystyń jalpy ishki ónimdegi úlesi 2% (1990 j. – 7,3%, 2000 j. – 2,7%, 2012 j. – 2,2%).

Jan basyna shaqqandaǵy JÓÓ - $8 591,7 (2012 j. - $7 837,2).

Oblystyń eńbek naryǵyndaǵy jaǵdaı jalaqynyń tómen deńgeıimen sıpattalady (2022 jylǵy qańtar-qyrkúıekke – 222,6 myń teńge, respýblıka boıynsha 19 oryn, QR – 299,4 myń teńge).

Bul rette 2022 jyly ortasha jalaqy 177,5 myń teńge (QR – 204,1 myń teńge) boldy.