Soltústik Qazaqstanda «Meniń týym – meniń Otanym!» chellendji jalǵasyp jatyr
Atqa qonyp, tý ustaǵan jigitterdiń sap túzep ótkeni, urandatqany bar, rýh beretin ánder shyrqalǵan beınerolıkter áleýmettik jelini sharlap ketti.
Bul – soltústikqazaqstandyq jigitterdiń birer apta buryn bastap ketken chellendji. Alǵashqy is-shara Taıynsha aýdanynyń Qaraǵash aýylynda ótken eken.
«Patrıottyq tálim-tárbıesi óte zor chellendj-sherýdiń qasıetti Qyzyljar jerinen bastalýynyń ózindik máni bar. Osy oblysta Botaı qonysy ornalasqan. Onda osydan 4 myń ǵasyr buryn jylqy maly qolǵa úıretilgen. Sóıtip babalarymyzdyń ómirlik serigine, jaýdan eldi, jerdi qorǵaý quralyna aınalǵan. Sondyqtan osy aktsııany tuıaǵymen jer tarpyǵan, aýyzdyǵymen alysqan sáıgúlikterge qıqý qosa, kók baıraǵymyzdy jelbirete barlyq eldi mekenderde uıymdastyrý – bıyl atap ótiletin el Táýelsizdiginiń 30 jyldyǵy qurmetine arnalǵan syı bolsa, basty máni Birtutas Qazaq Elin bólshekteýdi kózdeıtin ishki-syrtqy separatıstik, shovınıstik kúshter men toptarǵa degen qarsylyq aktsııasy, qazaq ulty ámanda birge degen uǵymdy bildiredi», - deıdi SQO turǵyny, mádenıet qaıratkeri, belgili jýrnalıst Ómir Esqalı.
Chellendj qazir óńirdiń ár aýdanynda, ár aýylynda ótip jatyr. Aıyrtaý aýdanynyń Aqan seri, Kazanka, Karasevka eldi mekenderinde uıymdastyryldy. Qalǵandary daıynalyp jatyr.
«Qazaqstan jastarynyń patrıottyq rýhyn oıatý úshin jáne Qazaqstan Táýelsizdiginiń 30 jyldyǵyna oraı bastalǵan is-sharaǵa at salysyp jatyrmyz. «Meniń týym – Meniń Otanym!» atty chellendj bizdiń Aqan seri aýylynda da jalǵasyn tapty. Ata-babamyzdyń qanymen, aq naızanyń ushymen, aq bilektiń kúshimen bizge mura bolyp qalǵan keń-baıtaq jerimizdi qadirleımiz, qorǵaımyz», - deıdi aýyl turǵyny Nurlan Raqymjanov.
Іs-shara kórshi Aqmola oblysynda da qoldaý tapty. Qoıandy aýylynda 20 shaqty adam atqa qonyp, tý kóterip sherýdi bastasa, olardyń sońynan júzdegen kólik ilesti.
«Áý bastyǵy oı qadir-qasıetin túsirmeı, naýqanshyldyqqa salynbaı, dámin ketirmeı SQO-nyń 13 aýdanynda joǵary deńgeıde ótkizip, qazirgi Petropavl qalasynda túıindeý edi. Prezıdentimiz Qasym-Jomart Toqaevtyń «Táýelsizdik bárinen qymbat» maqalasy bul chellendjdiń ózegi bolýy tıis. ıAǵnı bul aktsııanyń mán-maǵynasy, tálim- tárbıesi bolýy qajet. Qazir kóp aýyldarda birkelki etip ótkizip jatyr, menińshe bul durys emes, túrlendirý kerek, batyrlarsha kıinip, sahnalyq kórinister bolǵany durys. Aýzy dýaly qarttar sóz sóılese. Sondaı-aq beınerolıkterden kórip júrmin, kólikter sıgnal beredi. Onyń ornyna myqty, rýhty ánderdi dybys ulǵaıtqyshpen berse», - deıdi Ómir Esqalı.