Soltústik Qazaqstanda kúrish pen qant arzandady

PETROPAVL. QazAqparat – Soltústik Qazaqstan oblysynda jyl basynan beri azyq-túlik pen kúndelikti tutynatyn taýar baǵasy baǵasy ósti, dep habarlaıdy QazAqparat tilshisi.

Oblystyq statıstıka departamentiniń málimetinshe, ótken aıda azyq-túlik baǵasy 0,6%, azyq-túlik emes taýarlar - 0,4%, aqyly qyzmetter quny 0,3% artqan.

Sonyń ishinde jumyrtqa birden 7,7%, toqash-un ónimderi - 1,8%, maı - 1,1%, balyq pen teńiz ónimderi - 1%, kondıterlik ónimder - 0,6%, et pen et ónimderi - 0,4% qymbattaǵan. Az da bolsa sút ónimderi men alkogolsiz sýsyndardyń baǵasy ózgergen.

Temeki ónimderi - 3,6%, araq-sharap - 1,3% qymbattady. Kókónis quny - 3,2%, jemis-jıdek - 0,3% artty. Alaıda kúrish 5,8%, qant - 2,5% jáne un 0,8% arzandap otyr.

Mamandardyń aıtýynsha, gazet, kitap, keńse taýarlarynyń baǵasynda da ózgeris bar. Olar 0,4% qymbattasa, jýýǵa arnalǵan, tazartqysh quraldar, farmatsevtıkalyq ónim baǵasy 0,3% artqan.

Óńirde qańtar aıynan bastap janarmaı 1,5%, dızel otyny 1,1% qymbat saýdalanýda

Al jerleý qyzmetin kórsetetinder 12%, saqtandyrý kompanııalary 5% aqyny kótergen. Temirjol kóligimen júrý - 5,6%, avtokólikpen jol júrý 0,6% qymbattap otyr.