Soltústik Qazaqstanda kóktemgi egis jumystary bastaldy

NUR-SULTAN. QazAqparat - Respýblıka óńirlerindegi kóktemgi egis jumystaryna daıyndyq jaıly aqparattar legin jalǵastyramyz. Soltústik Qazaqstan oblysyndaǵy sharýalar bıylǵy jyly dándi daqyl, maıly daqyl, jemshóp jáne kókónis egiletin egistikterge ylǵal jabý jumystaryna kiristi, dep habarlaıdyQazAqparat Aýyl sharýashylyǵy mınıstrligine silteme jasap.

Soltústik Qazaqstan oblysyndaǵy egis alqaby - 4,2 mln ga. Onyń ishinde dándi daqyldar - 2,8 mln ga, maıly daqyldar - 955,4 myń ga, mal azyǵy - 352,9 myń ga, kartop - 32,5 myń ga, kókónis - 6 myń ga.

«Bıylǵy egis naýqanyn ótkizýge 13,6 myń traktor, 15,8 myń tuqym sepkish, 1,2 myń qazirgi zamanǵy ónimdiligi joǵary egis keshenderi jumyldyrylady. Oblystyń aýyl sharýashylyǵy kásiporyndary qolda bar tehnıkaǵa jóndeý jumystaryn ýaqytynda júrgizýde. Aýyl sharýashylyǵy tehnıkasynyń daıyndyǵy - 99%. Jyl basynan beri oblystyń mashına-traktor parki 6,7 mlrd teńgege 433 tehnıka aldy. Onyń ishinde 90 traktor, 15 egis kesheni jáne 154 astyq tuqym sepkishpen qosymsha tolyqty» delingen habarlamada.

Kóktemgi egis jumystaryn júrgizý úshin Soltústik Qazaqstan oblysyna 68,9 myń tonna jeńildikti dızel otyny bólingen.

QazAgro qarjy ınstıtýttary arqyly kóktemgi egis jáne egin jınaý jumystaryna jyl basynan beri 16,6 mlrd teńgege 316 ótinim qarjylandyryldy.