Soltústik Qazaqstanda ınternet arqyly jasalatyn alaıaqtyq órship tur
Polıtsııa departamenti baspasóz qyzmetiniń aqparaty boıynsha, alaıaqtar jańa ómir aǵymyna tez beıimdelip, aqsha jymqyrýdyń jańa ádisterin oılap taýyp jatyr.
«Jarnama saıtynda Býrabaıda demalý úshin úı jaldaý usynysy jarııalanǵan. Klıentterge 15 myń teńge kóleminde aldyn ala tólem jasaý usynyldy. Elorda turǵyny jarnamada kórsetilgen Qiwi-ámııanǵa aqsha jibergen. Ol óziniń aldanǵanan joldyń baǵytyn naqtylaý úshin «fırmaǵa» habarlasqan kezde biraq bilgen. Keıin áıel polıtsııaǵa shaǵym túsirdi. Alaıaqtardyń Petropavlda ekeni belgili boldy», - dedi baspasóz qyzmeti.
Krımınaldyq polıtsııa qyzmetkerleri kúdiktini anyqtady. Ol 41 jastaǵy Petropavl turǵyny bolyp shyqty. «Alaıaqtyq» baby boıynsha tergeý júrip jatyr. Onyń basqa da qylmystyq isterge qatysynyń bar-joǵy anyqtalýda.
Alaıaqtar psıhologııalyq qysymdy paıdalanyp, merzimi shekteýli aktsııalar týraly aıtady.
«Oblysta taıaý ýaqytta ınternet-alaıaqtyq áreketteriniń jańa túri paıda bolýy múmkin. Ol elimizdiń basqa óńirlerinde tirkeldi. Qaskúnemder áleýmettik jelilerden medıtsınalyq qyzmetke, shuǵyl operatsııaǵa muqtajdar týraly jarnama iledi. Týystarymen baılanysyp, kómektesýge daıyn ekenin jetkizedi: dárigerlermen sóılesip, ota jasaýdy uıymdastyrady. Ári qaraı emdeý kýrsy týraly kelisýge baratynyn aıtyp, medıtsınalyq protsedýralar júrgizý úshin aldyn ala tólemge qarjynyń bir bóligin jiberýdi suraıdy. Aqshany alǵan soń, baılanysty úzedi», - deıdi Krımınaldyq polıtsııa basqarmasy bastyǵynyń m.a. Marat Jumalıev.
Jyl basynan beri oblysta 30 ınternet-alaıaqtyq áshkerelendi.