Soltústik Qazaqstanda bomba jaıly ótirik aıtqan 8 «telefon terrorısi» jazalandy
«Telefon terrorısterine» bes jylǵa deıin bas bostandyǵynan aıyrý jazasy kózdelgen.
Bul - QR Qylmystyq kodeksiniń 273-baby (Terrorızm aktisi týraly kórineý jalǵan habarlaýdyń) maksımaldy sanktsııasy.
Sońǵy bes jylda Soltústik Qazaqstan oblysynda jarylǵysh zattyń qoıylǵandyǵy týraly «qaljyńy» úshin segiz adam qylmystyq jaýapkershilikke tartyldy.
Biriniń 3-4 jylǵa túrmege qamalýyna týra keldi, kelesi bir «qaljyńbas» uzaq merzimge qoǵamdyq jumysqa tartyldy.
Jazasyn ótegen soń olardyń árqaısysy polıtsııanyń erekshe nazarynda bolady: buryn sotty bolǵan tulǵalar sııaqty olar da esepte turady, ýchaskelik polıtsııa ınspektorlary olardy turǵylyqty jerleri boıynsha tekseredi.
Bul - ádette alkogoldi mas kúıde jasalǵan «qaljyń» qońyraýdyń ótemi.
– Osyndaı ár fakti boıynsha qanshama polıtsııanyń kúshi men quraldary, ókilderi tartylady, – dedi SQO polıtsııa departamenti ekstremızmge qarsy is-qımyl basqarmasynyń bastyǵy Rýslan Jarasbaev. – Ómirdiń kúndelikti qalpy buzylady, adamdar mazasyzdanady. Ekstremızmge qarsy is-qımyl basqarmasynyń qyzmetkerleri halyqqa aqparattyq jumys júrgizý sheńberinde Qazaqstan Respýblıkasy Qylmystyq kodeksiniń 273-babymen kózdelgen jaýapkershilik sharalaryn eske salady.