Soltústik Qazaqstanda bólim bastyǵy para alǵany úshin sottaldy

PETROPAVL. QazAqparat - Soltústik Qazaqstan oblysy Shal aqyn aýdanynyń veterınarııa bóliminiń basshysy para alǵany úshin sottaldy, dep habarlaıdy QazAqparat Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Soltústik Qazaqstan oblysynyń sybaılas jemqorlyqqa qarsy qyzmeti Shal aqyn aýdany veterınarııa bóliminiń basshysy Q.B.Ýaısovqa qatysty para aldy degen kúdikpen sotqa deıingi tergeýdi aıaqtady.

Oǵan ákimshilik jaýapkershilikke tartpaǵany úshin azamattan 100 myń teńge kóleminde para aldy, sondaı-aq tıisti ilespe veterınarııalyq qujatsyz iri qara malyn aýdan aýmaǵynda tasymaldaýǵa kómektesti degen aıyp taǵyldy.25 qyrkúıekte Petropavl qalalyq sotynyń úkimimen Ýaısov K.B. para alǵany úshin kináli dep tanylyp, oǵan 3 mln teńge mólsherinde aıyppul salyndy.

Ýaısovtyń memlekettik qyzmette jáne jergilikti ózin-ózi basqarý organdarynda laýazymdy qyzmetpen aınalysýyna ómir boıyna tyıym salyndy.