Soltústik Qazaqstanda bıyl 160 eldimekenniń joly jóndeledi
SQO ákimi baspasóz qyzmetiniń málimetinshe, sońǵy úsh jyldan beri óńirdegi joldardy jónge keltirýge qyrýar qarjy bólinip keledi.
2018 jyly 675 km, 2019 jyly 705 km jáne byltyr 954 shaqyrym jóndeldi. Nátıjesinde barlyq joldyń shamamen úshten bir bóligi jónge keltirildi.
Basymdyq negizinen eldimekender arasyndaǵy joldarǵa berildi. Sol sebepti bıyl qarajattyń negizgi bóligi aýdan ortalyqtaryndaǵy, úlken aýyldardaǵy joldardy jóndeýge bólinbekshi.
«Byltyr 2019 jylmen salystyrǵanda 8 ese kóp qarjy bóldik. ıAǵnı 5,8 mlrd teńgege 74 aýyldyń ishindegi joldar jóndeldi. Bul jumystar bıyl da jalǵasady. Qarajat bar. Eń aldymen aýdan ortalyqtaryn jónge keltiremiz», - deıdi Qumar Aqsaqalov.
Nátıjesinde 125 myń turǵyny bar 160 eldimekenniń joly jóndeledi. Osylaısha óńirdegi jaqsy joldardyń úlesi 74 %-ke jetpek.
Buǵan deıin SQO ákimi aýyldardy sýmen jabdyqtaýǵa bıyl 10,6 mlrd teńge bólinetinin aıtqan edi.