Soltústik Qazaqstanda benzın ótkizýshilerdiń baǵalyq sóz baılasýy tergelýde
20:32, 14 Sáýir 2017
PETROPAVL. QazAqparat - SQO-da «QazMunaıGaz ónimderi» JShS, «Gelıos» JShS, «Soltústik otyn kompanııasy» JShS-ǵa qatysty tergeý bastaldy, dep habarlady «QazAqparat» HAA tilshisi Tabıǵı monopolııalardy retteý jáne básekelestikti qorǵaý departamentine silteme jasap.
Tergeýge negiz - QR Kásipkerlik kodeksiniń 170-baby 1-tarmaǵy 1-tarmaqshasyn buzý belgileri - naryq sýbektileriniń básekelestikke qarsy kelisilgen is-áreketteri.
«Sýbektilerdiń aldyn ala aqparatyna sáıkes departament «QazMunaıGaz ónimderi» JShS, «Gelıos» JShS, «Soltústik otyn kompanııasy» JShS 2016 jylǵy tamyz ben 2017 jylǵy qańtar-naýryz aralyǵy kezeńinde AI-92 men dızel otynyna birneshe ret baǵany kótergendigin anyqtady. Tergeý úsh aı ishinde júrgiziledi», - dedi departament basshysynyń orynbasary Natalıa Shaıahmetova.
QazMunaıGaz ónimderi» JShS, «Gelıos» JShS Astanada men tıisinshe Almatyda tirkelgen. Respýblıka boıynsha tergeý men jıyn tirkelgen oryn boıynsha júrgiziledi. Departament SQO boıynsha aqparatty beredi.