Soltústik Qazaqstanda aldaǵy saılaýda 556 kandıdat baq synaıdy

PETROPAVL. QazAqparat – Soltústik Qazaqstan oblysynda QR Parlament Májilisi jáne barlyq deńgeıdegi máslıhat depýtattyǵyna 556 kandıdat bar. 19 naýryzda óńirde 631 saılaý ýchaskesi jumys istemek, dep habarlaıdy QazAqparat tilshisi.

SQO aýmaqtyq saılaý komıssııasynyń málimetinshe, óńirden saıası dodaǵa túsip jatqan 556 kandıdattyń 325-i er adam bolsa, qalǵan 231-i áıel.

Sonyń ishinde SQO boıynsha QR Parlament Májilisi depýtattyǵyna saılanýǵa 13 adam qujattaryn bergen.

Alaıda, onyń ekeýi konstıtýtsııalyq zańǵa sáıkes deklaratsııa tapsyrǵanda qate jibergendikten kandıdat retinde tirkeýden alynyp tastaldy.

Qazirgi ýaqytta úmitkerler quqyqtaryn sot arqyly qorǵap jatyr, bir apta ishinde olar boıynsha sheshim shyqpaq.

«Bıylǵy saılaý jańashyldyqtarǵa toly. Ol - Parlament Májilisinde mandat sanynyń 9-ǵa qysqarýy, sondaı-aq 2004 jyldan beri alǵash ret proportsıanaldy majorıtarlyq júıeniń engizilýi. ıAǵnı, QR Parlamenti májilisi depýtattarynyń 70 % partııalyq tizimmen, al 30 % birmandattyq okrýgterden saılanady. Bıyldan bastap oblystyq máslıhattarǵa depýtattar 50 de 50 júıesimen saılanady. SQO máslıhatynda 30 depýtat bolady dep josparlanǵan. Olardyń 15-i partııalyq tizimnen, qalǵan 15-i birmandattyq okrýgten saılanady», - deıdi SQO aýmaqtyq saılaý komıssııasynyń múshesi Saǵyndyq Maýgýzın.

SQO máslıhatyna birmandattyq okrýgterden 53 kandıdat tirkelgen. Petropavl qalalyq máslıhatyna 18 okrýg boıynsha 53 úmitker bar.

Aýdandyq máslıhattarǵa 145 okrýg boıynsha 455 kandıdat tirkeldi.

«Oblys boıynsha saılaýǵa óz kandıdattyǵyn usynǵandardyń eń jasy 23-te bolsa, eń úlkeni 76 jasta. Jalpy oblys boıynsha 631 saılaý ýchaskesi jumys istemek. Onda 19 naýryzda 384 myńnan astam óz tańdaýyn jasaıdy dep josparlanǵan», - deıdi Saǵyndyq Maýgýzın.