Soltústik Qazaqstanda 90 muǵalimniń orny bos tur

PETROPAVL. QazAqparat – Soltústik Qazaqstan oblysynda muǵalimder jetispeıdi, 90 mamannyń orny bos tur, dep habarlaıdy QazAqparat tilshisi.

SQO ákimi Qumar Aqsaqalov áleýmettik jeliniń kómegimen tikeleı efırge shyǵyp, turǵyndardyń suraqtaryna jaýap berdi.

Suraqtardyń biri - bilim salasyndaǵy kadr jetispeýshiligi boldy.

Oblys ákiminiń aıtýynsha, óńir mektepterinde muǵalimderdiń jumys isteýine jáne balalardyń bilim alýyna jaqsy jaǵdaı jasalǵan.

Nátıjesinde muǵalim jetispeýshiligi máselesi sheshilip keledi, qazir 90 oryn ǵana bos tur.

«Máseleni sheshýde kóptegen is-sharalar qolǵa alyndy. Kadr tartý úshin mektepterde ustazdarǵa qolaıly jaǵdaılar jasaldy. Eń bastysy olardyń eńbekaqysy 50 %-ǵa deıin ósip, aldaǵy eki jyl boıy taǵy kóteriledi. «Dıplommen aýylǵa» baǵdarlamasynyń da bereri kóp. Muǵalimder onyń aıasynda jeńildetilgen nesıemen baspana ala alady. Jas mamandardyń kóbi bul múmkindikti paıdalandy», - dedi Qumar Aqsaqalov.

Óńir basshysynyń aıtýynsha, SQO-da 52 mektep 4 mlrd teńgege kúreli jóndelip jatyr. Bul maqsatqa bıýdjetten 4 mlrd teńge bólingen. 2019-2020 jyldary oblys mektepterine 5 mlrd teńgeden jumsaldy. Bul aqshaǵa mektepter kúrdeli jóndelip, esik-terezeleri, shatyry men jylytý júıesi aýystyryldy.

Jalpy, búginde SQO-da mektepterdiń 60 %-ynyń jaǵdaıy jaqsy.