Soltústik Qazaqstanda 80 polıtseı marapattaldy
Oblystyq polıtsııa departamenti baspasóz qyzmetiniń habarlaýynsha, bes polıtseı adal qyzmeti men qyzmettegi joǵary jetistikteri úshin «Astanaǵa 20 jyl» medalimen, tórt ofıtser oblys ákiminiń ókimimen, taǵy 50-den astam qyzmetker ishki ister mınıstri Qalmuhanbet Qasymovtyń buıryǵymen arnaıy marapatqa ıe boldy.
Bul kúni úsh qyzmetker kezekti arnaıy shenge qol jetkizdi. Olardyń arasynda tyl jóninen qamtamasyz etý basqarmasynyń basshysy Narıman Ibraev ta bar. Ol búgin polkovnık atandy. Ol ishki ister organdarynda 1997 jyldan beri eńbek etip keledi. Atalmysh basqarmaǵa basshylyq etip otyrǵanyna 4 jyldan asty. Al Petropavl qalalyq jergilikti polıtsııa qyzmeti basqarmasy basshysynyń orynbasary Shámshıden Aqyshev polıtsııa podpolkovnıgi shenine ıe boldy. Onyń ishki ister organdarynda qyzmet etip kele jatqanyna 14 jyl boldy. Ol oblys ortalyǵyndaǵy jol qaýipsizdigine jaýap beredi.
Jeke quramdy merekemen quttyqtaǵan oblystyq polıtsııa departamentiniń basshysy, polıtsııa general-maıory Berik Bilálov aımaqtaǵy quqyqtyq tártiptiń ahýaly árbir ofıtserdiń, serjant pen ákimshilik memqyzmetshiniń kúndelikti adal eńbegine tikeleı baılanysty ekenin atap ótti. Demek, olardy marapattap, yntalandyryp otyrý - keleshek jetistikter úshin keremet stımýl.
Avtor: Olesıa Jýkoven