Soltústik Qazaqstanda 7-20-25 baǵdarlamasy qalaı júzege asady

PETROPAVL. QazAqparat -  «Nur Otan» partııasy fılıalynyń depýtattyq fraktsııasynyń kezekti otyrysynda Bes áleýmettik bastamany júzege asyrý joldary qarastyryldy, dep habarlaıdy QazAqparat tilshisi. 

Qurylys basqarmasynyń basshysy Vladıslav Lýkınniń aıtýynsha, atalmysh baǵdarlamany júzege asyrý úshin Petropavlda «Báıterek development» AQ-nyń qarajaty esebinen kóppáterli turǵyn úıler salynyp jatyr. 1,3 myńnan astam páter qoldanýǵa bolady. Alǵashqy 75 páterden turatyn turǵyn úı tamyzda  beriledi dep josparlanǵan.

«Solnechnyı-2 aýylynda birpáterli 211 turǵyn úıdiń qurylysy jalǵasyp jatyr. Jeke merdigerler úıdiń qurylysyn baıaýlatyp otyr. Olardyń belsendiligin arttyrý úshin oblys ákimdigi turǵyn úı qurylysyna jańa aımaqtardy bólip berdi. Sonymen qatar, ınjenerlik-kommýnıkatsııalyq ınfraqurylymdy damytýǵa arnaıy qarajat bólindi. Bıyl jylýmen, sýmen jáne elektrmen jabdyqtaý, sý tartý júıelerine respýblıkalyq bıýdjetten 5 mıllıard teńge bólindi», - dedi V.Lýkın.

QR Ulttyq bankiniń Soltústik Qazaqstan oblystyq fılıaly dırektorynyń orynbasary Baqyt Sábıeva «7-20-25» baǵdarlamasy shilde aıynda iske qosylatynyn aıtyp ótti. Bul óńir úshin páterdiń ortasha baǵasy 15 mıllıon teńgeni quraıdy.

Lýkınniń aıtýynsha, «Nurly jer» baǵdarlamasy boıynsha óńirde salynǵan turǵyn úıdiń bir sharshy metriniń baǵasy 140 myń teńgeden aspaıdy. Jeke merdigerlerde 200 myń teńgege deıin barady.