Soltústik Qazaqstan oblysyndaǵy 7 aýyldyq okrýgte ákim saılaýy ótedi

ASTANA. QazAqparat – 21 mamyrda Soltústik Qazaqstan oblysyna qarasty birneshe aýyldyq okrýgte ákim saılaýy ótedi, dep habarlaıdy QazAqparat tilshisi.

«QR saılaý týraly» QR Konstıtýtsııalyq zańynyń 113-1-babyna sáıkes, ákimder ókilettikteriniń merziminen buryn toqtatylýyna baılanysty 2023 jyly 21 mamyrda aýyldyq okrýg ákimderiniń tikeleı saılaýyn ótkizý belgilendi», - delingen ákimdiktiń resmı saıtynda jarııalanǵan habarlamada.

Belgili bolǵandaı, Soltústik Qazaqstan oblysyndaǵy myna eldi mekenderdiń ákimderi saılanady:

1. Aqqaıyń aýdanynyń Vlasovka aýyldyq okrýginiń ákimi;

2. Aqqaıyń aýdanynyń Ivanovka aýyldyq okrýginiń ákimi;

3. Aqqaıyń aýdanynyń Cherkasskoe aýyldyq okrýginiń ákimi;

4. Qyzyljar aýdanynyń Arhangelsk aýyldyq okrýginiń ákimi;

5. Ǵabıt Músirepov aýdannyń Drýjba aýyldyq okrýginiń ákimi;

6. Ýálıhanov aýdanynyń Qulykól aýyldyq okrýginiń ákimi;

7. Shal aqyn aýdanynyń Gorodetskıı aýyldyq okrýginiń ákimi.

«12 sáýirde Soltústik Qazaqstan oblystyq saılaý komıssııasynyń otyrysy ótip, onda ákimder saılaýyn ázirleý jáne ótkizý jónindegi negizgi is-sharalardyń kúntizbelik jospary qaraldy jáne bekitildi», - dep jazylǵan ákimdik habarlamasynda.

Qosa ketsek, buǵan deıin Túrkistan, Aqmola, Pavlodar jáne Atyraý oblystaryna qarasty eldi mekenderdiń ákimderin saılaý ótetinin habarlap edik.