Soltústik Qazaqstan oblysynda kommýnaldyq tarıf tómendedi
SQO statıstıka departamentiniń málimetinshe, oblys boıynsha ınflıatsııa jyl basynan 0,9% qurady. Azyq-túlik taýarlary orta eseppen 2,2%, azyq-túlik emes taýarlar 0,4% qymbattaǵan.
Sońǵy úsh aıdyń ishinde nan, un, nan-toqash jáne unnan daıyndalǵan kondıter ónimderi, kúrish, alkogoldi jáne alkogolsiz ishimdikter, temeki, sút, makaron, balyq jáne teńiz ónimderi, jumyrtqa, kókónister men jemister 8,7% - 0,5% aralyǵynda qymbattady. Al, kartop, qumsheker jáne jarmalarǵa baǵa bolmashy - 1,5%-0,5% arzandady.
Soltústikqazaqstandyqtar sondaı-aq, úıdi kútip ustaýǵa arnalǵan materıaldarǵa, kitaptar jáne keńse taýarlaryna, avtomobılderge, turmystyq tehnıkaǵa, farmatsevtıkalyq ónimderge, kıim jáne aıaq kıimniń jekelengen túrlerine orta eseppen 2%-ǵa deıin artyq tóleýde. Desek te otyn 4%, benzın - 1,1% arzandady, biraq janarmaı 0,2% qymbattaǵan.
Statıstıka departamenti mamandary kommýnaldyq qyzmetter tarıfteri: sýyq sýǵa - 8,6%, elektr qýatyna - 6,8%, qoqys shyǵarýǵa - 5,2%, kárizge - 3%, tasymaldaý júıesi boıynsha bólinetin gazǵa - 1,6% -ǵa tómendegenin aıtady.
Budan basqa áýe jol kóligimen kórsetiletin qyzmetter baǵasy 17,6% arzandasa, temir jol kóligimen jol júrý baǵasy 3,6% artqan. Turǵyndar medıtsına, saqtandyrý, meıramhana jáne meımanhana qyzmetterine 6,3% - 2,9% aralyǵynda artyq tóleıtin bolady.