Soltústik Qazaqstan oblysynda 272 dáriger jetispeıdi
«Nur Otan» partııasy SQO fılıaly janyndaǵy ult densaýlyǵy máseleleri jónindegi qoǵamdyq keńes otyrysyna densaýlyq saqtaý basqarmasy basshysynyń orynbasary Qumar Kúsemisov qatysyp, medıtsına kadrlardyń tapshylyǵyn azaıtý boıynsha atqarylyp jatqan is-sharalar týraly aıtty. Óńirde pedıatrlarǵa, akýsher-gınekologtarǵa jáne dáriger-zerthanashylarǵa qajettilik bar. Sonymen qatar, 102 orta medıtsınalyq qyzmetker jetispeıdi.
«2021 jylǵy 9 shildedegi jaǵdaı boıynsha 1,5 mln teńge mólsherinde kóterme járdemaqy 27 dárigerge 40,5 mln teńge somasynda taǵaıyndaldy. Bıyl 128 jas dáriger keledi dep otyrmyz. Onyń ishinde 56 maman aýyldyq jerlerge, 72 maman qalaǵa barady. Oblystyq bıýdjet qarajaty esebinen bilim alǵan 24 rezıdent kelýi kerek. Qalǵan rezıdentter oqýyn aıaqtap, 2022 jyly jáne 2023 jyly jumysqa kirisedi», - dedi Qumar Kúsemisov.
⠀Búginde oblysta memlekettik bilim berý tapsyrysy boıynsha jergilikti bıýdjet esebinen bólingen 155,4 mln teńgege 10 joǵary medıtsınalyq oqý ornynda 113 rezıdent oqıdy. Rezıdentter oqý bitirgennen keıin 5 jyl óńirde jumys isteýge mindetti. Olardyń arasynda kardıologtar, anestezıologtar-reanımatologtar, oftalmologtar, otorınolarıngologtar, akýsher-gınekologtar, nevrologtar jáne basqa da kóptegen mamandar bar. Qazir óńirdiń densaýlyq saqtaý uıymdarynda 1 342 dáriger jáne 5 022 orta medıtsına qyzmetkeri jumys isteıdi.