Soltústik Qazaqstan oblysynan senator bolyp saılanǵan Ásem Rahmetova ant berdi
Joǵary palatanyń jalpy otyrysynda Senat tóraǵasy Máýlen Áshimbaev senator atanǵan Ásem Rahmetovany jańa qyzmetimen quttyqtap, aldaǵy jumysyna tabys tiledi.
Keıin jańadan saılanǵan depýtat QR Konstıtýtsııasyna saı, ant berdi.
«Qazaqstan halqyna adal qyzmet etýge, Qazaqstan Respýblıkasynyń Táýelsizdigi men tutastyǵyn nyǵaıtýǵa, onyń Kostıtýtsııasy men zańdaryna qatań baǵynýǵa, depýtattyń, ózime júktelgen mártebeli mindetterin adal atqarýǵa ant etemin», - dep ant berdi Ásem Rahmetova.
Keshe Ortalyq saılaý komıssııasy Parlament Senatyna Soltústik Qazaqstan oblysynan saılanǵan Ásem Rahmetovaǵa depýtat kýáligi men tósbelgisin tabystaǵan bolatyn.
Eske salaıyq, Ásem Rahmetova SQO-dan senator bolyp saılanyp, kenetten kóz jumǵan Gúlmıra Kárimovanyń mandatyn ıelendi.